1 Ruodhi 9:16 - Motingʼo Loko Manyien

¹⁶ (Noyudo ka Farao ruodh Misri nosekedo mokawo Gezer. Nowangʼe monego jo-Kanaan mane odakie momiye kaka mich mar arus ni nyare mane chi Solomon.

MUMA MALER 2015

¹⁶ (Noyudo ka Farao ruodh Misri osedhi, mokawo Gezer, mowang’o gi mach, kendo nosenego jo-Kanaan modak kanyo, mi dalano nomiyo nyare ma chi Solomon kaka chiwo mar kopo.

1 Ruodhi 9:16 ပူးပေါင်းရင်းမြစ်များ

1 Ruodhi 3:1

Solomon notimo winjruok gi Farao ruodh Misri mi nokendo nyare. Nokele e Dala Maduongʼ mar Daudi nyaka notieko gero ode owuon mar loch kod od Jehova Nyasaye mar lemo gi ohinga molworo Jerusalem.

1 Ruodhi 7:8

Bende od ruoth mane obiro dakie nogero e laru machielo e tok od bura to nogere mana machal gi od bura, Solomon bende noloso od dak machal kamano ni nyar Farao mane okendo.

1 Ruodhi 9:24

Bangʼ kane nyar Farao osewuok e Dala Maduongʼ mar Daudi modhi e dala mane Solomon ogerone, eka Solomon nogero ohinga molworo ode.

Joshua 10:33

Kuom mano, Horam ruodh Gezer nobiro mondo okony Lakish, to Joshua noloye kaachiel gi jolweny mage maonge ngʼama notony.

Joshua 16:10

Ne ok gidaro jo-Kanaan mane odak Gezer. Nyaka chil kawuono jo-Kanaan pod odak gi jo-Efraim ka gitiyonegi kaka wasumbinigi.