1 Ruodhi 8:8 - Motingʼo Loko Manyien

⁸ Ludhegi ne boyo ahinya ma gikogi ne inyalo ne koa e nyim Kama Ler e nyim kama ler mar lemo, to ne ok ginen gi oko mar Kama Ler kendo pod gin kanyo nyaka chil kawuono.

MUMA MALER 2015

⁸ Ludhego ne boyo ahinya, ma wigi ne nenore oko e Kama Ler mane nie nyim ot maiye, to ne ok ginen oko mar Hekalu. Pod gin kanyo nyaka chil kawuono.

1 Ruodhi 8:8 ပူးပေါင်းရင်းမြစ်များ

1 Ruodhi 8:7

Kerubigo noyaro bwombegi ewi kama noketie Sandug Muma kendo ne giumo Sandug Muma gi ludhe mitingʼego.

2 Weche mag Ndalo 5:9

Ludhegi ne boyo ahinya kochakore e Sandug Muma ma gikogi ne inyalo ne koa e nyim kama ler mar lemo, to ne ok ginen gi oko mar Kama Ler kendo pod gin kanyo nyaka chil kawuono.

Wuok 40:20

Nokawo Kite mag Rapar moketo ei Sanduk Muma; norwako ludhe e chumbe molworore mag Sanduk eka noyieyo raum e wiye.

Mathayo 28:15

Omiyo askeche nokawo pesago, kendo negitimo kaka nonyisgi. Kendo wachni koro oselandore kuonde mathoth e dier jo-Yahudi nyaka odiechiengni.

Joshua 4:9

Joshua nochano kite apar gariyogo mane ni e dier aora Jordan kama jodolo mane otingʼo Sandug Muma mar singruok nosechungʼe kendo kitego pod ni kanyo nyaka chil kawuono.