1 Ruodhi 7:7 - Motingʼo Loko Manyien

⁷ Nogero od kom duongʼ, Od ngʼado Bura kama ne ongʼadoe bura kendo noume gi sida koa piny nyaka e tado.

MUMA MALER 2015

⁷ Nogero bende Od Kom Duong’ mochwado gi bap sida, chakre tiend ot nyaka tado. Noluonge ni Od Bura nimar nong’adoe bura.

1 Ruodhi 7:7 ပူးပေါင်းရင်းမြစ်များ

1 Ruodhi 3:28

Kane jo-Israel owinjo bura mane ruoth ongʼado, negimiyo ruoth duongʼ nikech negineno ne en-gi rieko moa kuom Nyasaye.

1 Ruodhi 3:9

Omiyo mi jatichni chuny mariek mondo otel ne jogi kendo mar pogo ber gi rach. Nimar en ngʼa manyalo telo ni oganda maduongʼ machalo kama?”

1 Ruodhi 6:3

Bor mar agola mane nitie e nyim hekalu noywayo lach hekalu, moromo fut piero adek kendo notingʼore malo maromo fut apar gabich.

Zaburi 122:5

Kanyo ema kombe loch mag ngʼado bura nitie gin kombe loch mag jood Daudi.

Ngeche 20:8

Ka ruoth obedo e kome mondo ongʼad bura; opiedho weche maricho duto gi wangʼe.

Isaya 9:7

Lochne gi kwe mare nobed maonge giko. Enobed e kom loch mar Daudi kendo e pinyruodhe, bende enogure motegno ka orite gi adiera kod tim makare, chakre kawuono nyaka chiengʼ. Jehova Nyasaye Maratego notim ma kuom tekone owuon.