1 Ruodhi 7:51 - Motingʼo Loko Manyien

⁵¹ Ka tije duto mane ruoth Solomon osetimo e hekalu mar Jehova Nyasaye noserumo, nokelo gik mane Daudi wuon-gi osewalo kaka fedha gi dhahabu kod gik mitimogo lemo kendo noketogi e od keno mar hekalu Jehova Nyasaye.

MUMA MALER 2015

⁵¹ Kamano ruoth Solomon notieko tich duto mag Od Ruoth Nyasaye, eka noomo gik moko duto mane Daudi wuon mare osechiwo ni Ruoth Nyasaye, mi noketogi kar keno mar Od Ruoth Nyasaye. Ne gin fedha, gi dhahabu kod gik mamoko.

1 Ruodhi 7:51 ပူးပေါင်းရင်းမြစ်များ

1 Ruodhi 15:15

Nokelo gige dhahabu gi fedha kod mula e hekalu mar Jehova Nyasaye ma en owuon gi wuon mare nosepwodho.

1 Ruodhi 6:14

Omiyo Solomon nogero hekalu motieke.

1 Ruodhi 6:9

Omiyo nogero hekalu motieko koume gi yiende kod bepe Sida.

2 Ruodhi 25:15

Jatend jolweny marito ruoth nokawo gik moko duto molos gi dhahabu kata fedha ma gin gima iwangʼoe ubani kod bakunde mitimogo misengini.

2 Weche mag Ndalo 5:1

Ka tije duto mane Solomon osetimo e hekalu mar Jehova Nyasaye noserumo, nokelo gik duto mane Daudi wuon-gi osewalo kaka fedha gi dhahabu kod gik mitimogo lemo kendo noketogi e od keno mar hekalu mar Nyasaye.

2 Weche mag Ndalo 8:15

Kuom weche duto mane ruoth ochiko jodolo kod jo-Lawi ne onge moro amora mane giweyo kata mana weche mag keno.

Ezra 6:15

Hekalu notieki gero e odiechiengʼ mar adek mar dwe mar Adar, e higa mar auchiel mar loch Ruoth Darius.

Wuok 40:33

Eka Musa nochungo laru molworo Hemb Romo kod kendo mar misango mi noketo pasia e dhoranga laru. Omiyo Musa notieko tich.

Zekaria 4:9

“Lwet Zerubabel oseketo mise mar hekaluni kendo lwetene ema biro tieke. Eka iningʼe ni Jehova Nyasaye Maratego ema oseora iri.