1 Ruodhi 6:38 - Motingʼo Loko Manyien

³⁸ E higa mar apar gachiel e dwe mar Bul, dwe mar aboro hekalu notieki chutho kaka nochan ni onego gere. Notieko higni abiriyo kigere.

MUMA MALER 2015

³⁸ To e higa mar apar gachiel, e due mar aboro miluongo ni Bul, Hekalu norumo chuth, kaka nosechan ni onego gere. Kamano Solomon notieko higni abiriyo kagero Hekalu.

1 Ruodhi 6:38 ပူးပေါင်းရင်းမြစ်များ

1 Ruodhi 6:1

E higa mar mia angʼwen gi piero aboro bangʼ ka jo-Israel osewuok Misri, e higa mar angʼwen mar loch Solomon kuom Israel e dwe mar Ziv, dwe mar ariyo nochako gero hekalu mar Jehova Nyasaye.

1 Ruodhi 6:14

Omiyo Solomon nogero hekalu motieke.

1 Ruodhi 6:37

Mise mar hekalu mar Jehova Nyasaye noketi e higa mar angʼwen e dwe mar Zif.

1 Ruodhi 6:9

Omiyo nogero hekalu motieko koume gi yiende kod bepe Sida.

1 Ruodhi 7:1

To Solomon nokawo higni apar gadek mondo otiek gero ode.

1 Ruodhi 9:10

E giko higni piero ariyo e kinde mane Solomon ogeroe udi ariyogi ma gin hekalu mar Jehova Nyasaye kod dala maduongʼ mar ruoth,

1 Weche mag Ndalo 28:19

Daudi nowacho niya, “Magi duto manie ndiko ne ayudo kuom lwet Jehova Nyasaye mane ni kuoma, kendo nomiya winjo matut kuom chenro mar gedo.”

1 Weche mag Ndalo 28:20

Bangʼe Daudi nowachone Solomon niya, “Bed motegno kendo gichir kendo tim tijni. Kik ibed maluor kendo kik chunyi nyosre nikech Jehova Nyasaye ma Nyasacha nobed kodi. Ok enojwangʼi bende ok noweyi nyaka itiek tije mag hekalu mar Jehova Nyasaye.”

2 Weche mag Ndalo 8:1

E giko higni piero ariyo mane Solomon ogerogo hekalu mar Jehova Nyasaye kod kare owuon mar dak,

2 Weche mag Ndalo 8:16

Tije Solomon duto notim kochakore chiengʼ manochakoe gero hekalu mar Jehova Nyasaye nyaka tiekne. Omiyo hekalu mar Jehova Nyasaye notiek gero.

Ezra 5:11

Ma e dwoko mane gimiyowa: Wan jotich mar Nyasach polo kod piny, kendo wagero hekalu manyien mane oger higni mangʼeny mokalo, mano mane ruoth maduongʼ mar Israel ogero kendo otieko.

Wuok 39:32

Koro tich duto mar Hemb Romo norumo. Jo-Israel notimo gik moko duto mana kaka Jehova Nyasaye nochiko Musa.

Wuok 39:42

Jo-Israel nosetimo tije duto mana kaka Jehova Nyasaye nochiko Musa.

Wuok 39:43

Musa ne onono tijno mi oneno ni negisetimo mana kaka Jehova Nyasaye nochiko. Omiyo Musa nogwedhogi.

Zekaria 4:9

“Lwet Zerubabel oseketo mise mar hekaluni kendo lwetene ema biro tieke. Eka iningʼe ni Jehova Nyasaye Maratego ema oseora iri.

Johana 2:20

Jo-Yahudi nodwoke niya, “Gero hekaluni osekawo higni piero angʼwen gauchiel, to in to ere kaka inyalo gere gi ndalo adek?”