1 Ruodhi 6:35 - Motingʼo Loko Manyien

³⁵ Nopayo kerubi gi yiend othith kod maupe moyarore kuomgi mobawogi gi dhahabu mothedhi maromre duto.

MUMA MALER 2015

³⁵ Thikego bende nopayoe kido mag kerubi gi mag yiend othidhe kod thiepe moyarore, kendo nobawo gik mopago gi dhahabu maromre chuth.

1 Ruodhi 6:35 ပူးပေါင်းရင်းမြစ်များ

1 Ruodhi 6:18

Ei hekaluno noketie bap sida mopa ka budho kod thiepene. Gik moko duto nolos gi yiend sida ma kata mana kidi ne ok nyal ne.

1 Ruodhi 6:34

Bende noloso dhoudi ariyo gi yiend saipras kamoro ka moro nigi pata ariyo.

1 Ruodhi 6:36

Kendo nogero laru maiye gi kite mopa molwore nyadidek kaachiel gi laini achiel mar bap yiend sida.

1 Ruodhi 7:26

Lachne ne romo bat achiel morie to dhoge ne chalo gi dho kikombe, mana ka ondanyo mathiewo. Notingʼo pi manyalo romo lita alufu adek.

1 Ruodhi 7:36

Noketo kido mar kerubi gi sibuor kod yiend othidhe e bethe rachungi kod bepe kamoro amora mane ni thuolo, gi kido mar maua e alworane duto.

2 Weche mag Ndalo 4:21

kod maupe mag dhahabu gi teyni kod ramekni (ne gin dhahabu duto);

2 Weche mag Ndalo 4:22

kod gima ingʼadogo otambi mar teyni molos gi dhahabu maler, gi tewni mag kiro remo, gi dise gi tawo mar ubani kod dhout hekalu mar dhahabu: dhoudi mar ot maiye gi Kama Ler Moloyo kaachiel gi dhoudi mag dier ot maduongʼ.

Zaburi 74:6

Negituro chumbe modol odol gi tindogi kod nyundogi.

Ezekiel 40:16

Nitie otuchi matindo tindo e kor ot ma oko mag udigo duto, kendo e kor ot ma iye manie kind udi. E kor udi ma yo ka iye momanyore gi yo mokadho e kind udigo, nogorie yiend othidhe.

Ezekiel 40:22

Otuchi mage minenogo gi agola mage kod othidhe mogor kuome ne pimgi romre gi mago manie rangach mochomo yo wuok chiengʼ. Kama iluwo kidonjogo kanyo ne nigi raidhi abiriyo, kendo agola mare nochomore kode tir.

Ezekiel 41:18

nogerie kerubi kod yiende mag othith. Yiende mag othithgo noger molworo ot e kido mar kerubi kod kido mar othidhe. Kerubigo moro ka moro ne nigi lela wenge ariyo: