1 Ruodhi 6:16 - Motingʼo Loko Manyien

¹⁶ Nongʼado iye gi bap sida ka bor mopog gigo romo fut piero adek kochomo yo ka tok hekalu chakre tiend ot nyaka wi tado mondo olos kama ler mar lemo maiye miluongo ni Kama Ler Moloyo.

MUMA MALER 2015

¹⁶ Mita apar ma iye nong’ado gi bap sida, chakre tiend ot nyaka yiend tado mondo obed ot maler maiye, miluongo ni Kama Ler Moloyo.

1 Ruodhi 6:16 ပူးပေါင်းရင်းမြစ်များ

1 Ruodhi 6:17

Ot maduongʼ mane nitie e nyim ot matin-no ne romo fut piero abich gochiko e borne.

1 Ruodhi 6:5

Bende nogero udi moko momakore gi kor kama ler mar lemo gi oko. Udigo nolworo kama ler mar lemo.

1 Ruodhi 7:7

Nogero od kom duongʼ, Od ngʼado Bura kama ne ongʼadoe bura kendo noume gi sida koa piny nyaka e tado.

1 Ruodhi 8:6

Eka jodolo nokelo Sandug Muma mar singruok mar Jehova Nyasaye kama ne olosne ei kama ler mar lemo mar hekalu ma en Kama Ler Moloyo mi gikete e bwomb kerubi.

2 Weche mag Ndalo 3:8

Ne ogero Kama Ler Moloyo kendo borne ne romo gi lach hekalu, borne gi lachne ne en fut piero ariyo gochiko gi nus. Ne omuono iye gi dhahabu maler ma pekne romo kilo alufu piero ariyo.

Wuok 26:23

kendo ilos sirni ariyo mibiro ketoe konde ariyo man yo tok Hemb Romo.

Ezekiel 41:4

Eka nopimo bor gi lach mar kama ler mar lemo; mi noyudo ni en fut piero adek maromre moro ka moro, kopime ariwa mar giko kama ler ma oko. Nowachona niya, “Ma e Kama Ler Moloyo.”

Ezekiel 45:3

To e kuom lopno, ema unupim kendo uket tenge kama borne romo fut alufu piero adek gabiriyo gi mia abich, to lachne romo fut alufu apar gabich. Iye kanyo ema kama ler mar lemo nobedie, ma en Kama Ler Moloyo.

Tim jo-Lawi 16:2

Jehova Nyasaye nowacho ne Musa niya, “Nyis Harun owadu ni kik thor donjo e Kama Ler Moloyo manie nyim Sandug Muma miluongo ni kar ngʼwono, nono to enotho, nikech afwenyora gi e bor polo manie ewi raum.

Jo-Hibrania 9:3

E tok pasia mar ariyo ne nitie hema miluongo ni Kama Ler Moloyo,