1 Ruodhi 5:8 - Motingʼo Loko Manyien

⁸ Omiyo Hiram nodwoko Solomon kawacho niya, “Aseyudo wach mane iorona kendo abiro timo duto midwaro kuom chiwo yiend Sida gi bao.

MUMA MALER 2015

⁸ Nooro ni Solomon wach niya, “Asewinjo wach miorona, kendo aikora timo gik moko duto midwaro kuom wach yiend sida gi yiend saipras.

1 Ruodhi 5:8 ပူးပေါင်းရင်းမြစ်များ

2 Samuel 6:5

Daudi kod dhood Israel duto ne miel gi tekregi duto e nyim Jehova Nyasaye ka giwer gi thumbe gi nyatiti gi orutu gi oyieke gi kayamba gi nyiduonge.

1 Ruodhi 5:7

Kane Hiram owinjo ote Solomon ne omor ahinya mine owacho niya, “Pak obed ni Jehova Nyasaye kawuono nikech osemiyo Daudi wuowi mariek mondo olochi kuom oganda maduongʼni.”

1 Ruodhi 5:9

Joga biro ywayogi kagologi Lebanon nyaka e nam, kendo abiro kwangʼogi gi yie e nam nyaka kama iniwachi. Kanyo abiro pogogi kendo inyalo kawogi. To nyaka itim dwarona ka ichiwo chiemo moromo jooda ma joka ruoth duto.”

1 Ruodhi 6:15

Nochwado kor ot yo ka iye gi bepe sida chakre tiend ot nyaka yiend tado, bende noloso dier ot gi yiend bap Saipras.

1 Ruodhi 6:34

Bende noloso dhoudi ariyo gi yiend saipras kamoro ka moro nigi pata ariyo.

2 Weche mag Ndalo 2:16

Wanatongʼ yiend Lebanon moromo kaka idwaro kendo nwatwegi kanyakla ma wakwangʼ-gi e nam nyaka Jopa, eka iniomgi mitergi Jerusalem.”

2 Weche mag Ndalo 3:5

Nochwado i hekalu kod yiend saipras kendo ne omuone kod dhahabu maler moketogi gi othidhe kod thiwni.