1 Ruodhi 5:3 - Motingʼo Loko Manyien

³ “Ingʼeyo ni nikech lwenje duto mane Daudi wuora kedogo koni gi koni mane miyo ok onyal gero hekalu moluongo Nying Jehova Nyasaye ma Nyasache nyaka chop Jehova Nyasaye ket wasike duto e bwo tiende.

MUMA MALER 2015

³ “Ing’eyo ni Daudi wuora ne ok nyal gero Hekalu ni Ruoth Nyasaye ma Nyasache, nikech lwenje mane wasike olworego, nyaka Ruoth Nyasaye noketogi e bwo lochne.

1 Ruodhi 5:3 ပူးပေါင်းရင်းမြစ်များ

1 Ruodhi 8:19

Kata kamano, in ok niger hekalu, to wuodi, ma en ringri gi rembi iwuon, en ema noger hekalu ni Nyinga.’

1 Weche mag Ndalo 22:8

To wach Jehova Nyasaye nobirona kawacho ni, ‘Isechwero remo mangʼeny kendo isekedo lwenje mangʼeny. Ok iniger ot maluongo Nyinga nikech isechwero remo mangʼeny e nyima.

1 Weche mag Ndalo 28:2

Eka Ruoth Daudi nochungo kar tiende mowacho niya, “Winjauru jowetena kendo jothurwa. Ne achano e chunya mondo ager ot kaka kar yweyo mar Sandug Singruok mar Jehova Nyasaye mondo obed raten mar tiend Nyasachwa kendo ne an gi chenro mar gere.

1 Weche mag Ndalo 28:3

To Nyasaye nowachona ni, ‘Ok iniger ot miluonge Nyinga nikech in jalweny kendo isechwero remo.’

2 Weche mag Ndalo 9:4

gi chiemo mane ni e mesane, gi bet mar jodonge, gi rwakruok mar jotije mapogo chiemo, gi rwakruok mar jotije machiwo divai kod misango miwangʼo pep mane otimo e hekalu Jehova Nyasaye, dhoge nomoko.

Nehemia 5:17

To bende, jo-Yahudi mia achiel gi piero abich kod jotelo nochiemo e mesana, kaachiel gi ogendini mane obiro irwa koa machiegni kodwa.

Nehemia 5:18

Odiechiengʼ ka odiechiengʼ notedna rwath achiel, rombe auchiel machwe, kod gwen, to ndalo apar ka ndalo apar divai mopogore opogore nokel mangʼeny. To kata kamano, ne ok adwaro chiemo mane opog ne jatelo, nikech gigo mane idwaro ne ohewo jogi tingʼo.

Zaburi 110:1

Jehova Nyasaye nowachone Ruodha kama: “Bed e bada korachwich, nyaka chop aket wasiki e bwo tiendi.”

Zaburi 8:6

Isekete jatelo ewi tich lweti duto; iseketo gik moko duto e bwo tiende:

Malaki 4:3

Bangʼe ununyon joma timbegi richo piny; kendo ginibed buru e bwo tiendu odiechiengʼ ma anatimie gigi,” Jehova Nyasaye Maratego owacho.

1 Jo-Korintho 15:25

nimar Kristo nyaka bed gi loch nyaka chop Nyasaye lo wasigu duto, mi oketgi e bwo tiende.

Jo-Efeso 1:22

To Nyasaye noketo gik moko duto e bwo tiende, kendo nomiyo obedo wi kanisa;

Rapar mar Chik 14:5

ogunde, nyakech, ngawo, diend bungu, abur, mwanda gi rombe manie gode.

Joshua 10:24

Kane gisekelo ruodhigi ne Joshua, noluongo jo-Israel duto kendo owachone jotend lweny mane obiro kode niya, “Biuru ka kendo unyon ngʼut ruodhigi.” Omiyo negibiro mi ginyono ngʼutgi piny.