1 Ruodhi 3:6 - Motingʼo Loko Manyien

⁶ Solomon nodwoko niya, “Isenyiso ngʼwono maduongʼ ni jatichni Daudi wuonwa nikech ne en ja-adiera kuomi kendo ne en ngʼama kare ma chunye odimbore. Bende pod inyise ngʼwono maduongʼno nyaka chil kawuono kendo isemiye wuowi mondo obedi e kome kawuononi.

MUMA MALER 2015

⁶ Solomon nodwoke niya, “Ninyiso hera mosiko ni Daudi wuora ma jatichni, mane wuotho e nyimi gi adiera, kendo kuom dimbruok gi chuny makare. Bende pod inyise hera mosikono nyaka chil kawuono, nimar isemiyo wuode obedo ruoth kare.

1 Ruodhi 3:6 ပူးပေါင်းရင်းမြစ်များ

Chakruok 24:40

“Nodwoke ni, ‘Jehova Nyasaye, ma asebedo ka awuotho e nyime biro ori gi malaikane kendo obiro gwedho wuodhi, mondo mi iyudne wuoda nyako moa kuom anywolana kendo e od wuora.

2 Samuel 22:21

“Jehova Nyasaye osetimona mana maromre gi timna makare; osechula kaluwore gi tich lweta maler.

2 Samuel 22:25

Jehova Nyasaye osemiya pokna mowinjore gi timna makare, mana machal gi kaka aler e wangʼe.

2 Samuel 7:5

“Dhiyo mondo inyis jatichna Daudi niya, ‘Ma e gima Jehova Nyasaye wacho: In ema digerna ot mondo adagie?

1 Ruodhi 1:48

kowacho ni, ‘Pak obed ne Jehova Nyasaye, ma Nyasach Israel mosemiyo wangʼa oneno ngʼama okawo lochna kawuono.’ ”

1 Ruodhi 15:5

Nikech Daudi notimo gima kare e nyim Jehova Nyasaye kendo ne ok oweyo ma ok omako chik Jehova Nyasaye moro amora e ndalo ngimane duto makmana e wach Uria ja-Hiti.

1 Ruodhi 2:4

eka Jehova Nyasaye nyalo rito singruokne mane omiya ni, Ka nyikwayi onono kaka gidak kendo ka giwuotho gi adiera e nyima gi chunygi duto kod parogi duto to ok nibedi maonge ngʼat manyalo bedo e kom duongʼ e Israel.

1 Ruodhi 3:14

To kiwuotho e yorena kendo rito buchena kod chikena kaka Daudi wuonu notimo bende anamiyi idak amingʼa.”

1 Ruodhi 9:4

“To in, kiwuotho e nyima gi chuny makare kod bidhruok, kaka Daudi wuonu notimo, kendo timo mago duto machiki kendo kimako puonjna kod buchena,

2 Ruodhi 20:3

“Yaye Jehova Nyasaye, parie kaka asewuotho e nyimi gi adiera kod chuny modimbore kendo asetimo gigo makare e nyim wangʼi.” Bangʼe Hezekia noywak malit.

2 Weche mag Ndalo 1:8

Solomon nodwoko Nyasaye niya, “isenyiso ngʼwono maduongʼ ni Daudi wuora kendo iketa abedo ruoth kare.

Zaburi 116:7

Bed abeda mos, yaye chunya, nimar Jehova Nyasaye osebedo katimoni maber ndalo duto.

Zaburi 119:17

Tim maber ne jatichni, eka abiro bedo mangima kendo abiro rito chikeni.

Zaburi 13:6

Abiro wer ne Jehova Nyasaye, nikech osebedo ka otimona maber.

Zaburi 15:2

En ngʼat ma wuodhe obidhore kendo matimo gima kare, ngʼat mawacho adiera gi e chunye

Kwan 12:7

To ma ok en adiera kuom jatichna Musa; nikech en ja-ratiro e oda duto.

2 Jo-Korintho 9:11

Obiro miyo udok jo-mwandu e yore duto, mondo ubed mangʼwon kinde duto, kendo mondo ji mangʼeny odwok erokamano ni Nyasaye kuom mich mane watero nigi koa kuomu.

2 Jo-Korintho 9:5

Kuom mano, ne aneno ni ber mondo ajiw owetegi mondo olimu chon mondo utiek chenro duto mag chiwo mag ngʼwono mane usesingoru ni ubiro chiwo. Kamano, ka abiro to anayud ka chiwo maru mar ngʼwono oikore, kendo mano nonyis ni uchiwe gi ngʼwono, to ok kuom achuna.