1 Ruodhi 22:12 - Motingʼo Loko Manyien

¹² Jonabi mamoko duto bende ne koro wach mana machal kamano. Negiwacho niya, “Monj jo-Ramoth Gilead kendo ilogi nikech Jehova Nyasaye enokete e lwet ruoth.”

MUMA MALER 2015

¹² Jonabi duto bende nokoro mana wach machal kamano, ka giwacho niya, “Dhi Ramoth-gilead mondo ilo. Ruoth Nyasaye biro chiwe e lweti.”

1 Ruodhi 22:12 ပူးပေါင်းရင်းမြစ်များ

2 Weche mag Ndalo 35:22

Kata kamano, Josia ne ok oweye, omiyo nodhi korwakore magalagala mondo oked kode. Ne ok odewo gima Neko nonyise kaluwore gi gima Nyasaye ochiko to nodhi mokedo kode e paw Megido.

Isaya 36:10

To moloyo mano iparo ni asebiro monjo pinyni mana gi pacha awuon ka ok en wach moa kuom Jehova Nyasaye? Jehova Nyasaye owuon ema osenyisa mondo abi amonj pinyni kendo akethe.’ ”

Ezekiel 13:6

Fweny ma gineno ok gin adier kendo gikoro weche mag miriambo. Giwacho niya, “Jehova Nyasaye osewacho,” to Jehova Nyasaye to ok oorogi, kendo pod gin gi geno ni weche ma gikorogo biro timore.