1 Ruodhi 21:18 - Motingʼo Loko Manyien

¹⁸ “Dhiyo mondo irom gi Ahab ruodh Israel molocho Samaria. Koro entie e puoth Naboth mar mzabibu mosedhiye mondo okaw obed mare.

MUMA MALER 2015

¹⁸ “Dhi irom gi Ahab ruodh Israel modak Samaria, nikech enie puoth mzabibu mar Naboth, modhi kawo.

1 Ruodhi 21:18 ပူးပေါင်းရင်းမြစ်များ

2 Samuel 12:1

Jehova Nyasaye nooro Nathan ir Daudi. Kane ochopo ire nowachone niya, “Ne nitie ji ariyo moko e dala moro; achiel ne jamoko to machielo nodhier.

1 Ruodhi 13:32

Nikech wach mane owacho kuluworegi wach Jehova Nyasaye kuom kendo mar misango man Bethel kendo kwongʼ mane okwongʼogo kuonde duto motingʼore malo mitimoe misango manie dala man Samaria biro chopo kare.”

1 Ruodhi 16:29

E higa mar piero adek gaboro mar loch Asa ruodh Juda, Ahab wuod Omri nobedo ruodh Israel, kendo nobedo ruodh Israel kuom higni piero ariyo gariyo kodak Samaria.

1 Ruodhi 21:1

Bangʼ kinde moko wach nowuok momako puoth mzabibu mar Naboth ja-Jezreel, puoth mzabibuno ne nitie Jezreel, machiegni gi dala ruoth maduongʼ mar Ahab ma ruodh Samaria.

1 Ruodhi 21:17

Eka wach Jehova Nyasaye nobiro ni Elija ja-Tishbi:

2 Weche mag Ndalo 22:9

Bangʼe nodhi mondo omany Ahazia kendo joge nonwangʼe kopondo Samaria. Nokele ne Jehu mine onege. Ne giike kagiwacho niya, “Ne en wuod Jehoshafat manoluwo Jehova Nyasaye gi chunye duto.” Omiyo ne onge ngʼato moro amora motegno e od Ahazia mane nyalo rito piny.