1 Ruodhi 21:16 - Motingʼo Loko Manyien

¹⁶ Kane Ahab owinjo ni Naboth osetho, noa malo modhi mondo okaw puoth Naboth mar mzabibu obed mare.

MUMA MALER 2015

¹⁶ Kane Ahab owinjo ni Naboth osetho, nodhi mondo okaw puotheno.

1 Ruodhi 21:16 ပူးပေါင်းရင်းမြစ်များ

1 Ruodhi 21:1

Bangʼ kinde moko wach nowuok momako puoth mzabibu mar Naboth ja-Jezreel, puoth mzabibuno ne nitie Jezreel, machiegni gi dala ruoth maduongʼ mar Ahab ma ruodh Samaria.

1 Ruodhi 21:15

Mapiyo piyo ka Jezebel nowinjo ni Naboth osego gi kite motho, nonyiso Ahab niya, “Aa malo mondo ikaw puoth mzabibu mar Naboth ja-Jezreel, mane odagi usoni, ok ongima, osetho.”

1 Ruodhi 21:17

Eka wach Jehova Nyasaye nobiro ni Elija ja-Tishbi:

2 Ruodhi 5:24

Kane Gehazi ochopo e got, ne okawo michgi kuom jotichgo mokanogi e ot. Bangʼ mano nomiyo jogo thuolo mondo odhiyo kendo negidhi.

2 Ruodhi 9:21

Joram nogolo chik niya, “Ikna gacha.” To kane giseikone gache, Joram ruodh Israel kod Ahazia ruodh Juda noriembo gechegi, ka ngʼato ka ngʼato ni e gache owuon mondo girom gi Jehu. Negiromo kode e puodho mane mar Naboth ja-Jezreel.

Zaburi 50:18

Ka uneno jakuo to uriworu kode kendo uchodo mana kaka joma moko timo.

Isaya 33:15

Ngʼatno mawuotho e ratiro kendo wacho gima adiera, ma tamore yudo ohala e yor mecho kendo ok oyie kawo asoya, ngʼatno ma ok chik ite e chenro mar neko, kendo odino wengene e neno timbe mamono,

Jo-Rumi 1:32

Kata obedo ni gingʼeyo chik makare mar Nyasaye ni joma timo gik ma kamago owinjore gi tho, to gidhiyo adhiya nyime gi timogi, kendo bende gipwoyo joma timogi.

2 Petro 2:15

Gisebaro giweyo yo makare mi girwenyo ka giluwo yor Balaam wuod Beor, mane ohero misach richo.