1 Ruodhi 20:24 - Motingʼo Loko Manyien

²⁴ To tim kama: Gol ruodhi duto e telo ni lweny kendo wilgi gi jotelo mamoko.

MUMA MALER 2015

²⁴ To tim kama: gol ruodhi kande e tichgi, iket jotend lweny kargi.

1 Ruodhi 20:24 ပူးပေါင်းရင်းမြစ်များ

1 Ruodhi 20:1

Koro Ben-Hadad ruodh Aram nochoko jolwenje duto. Koriwore gi ruodhi piero adek gariyo man-gi farese kod geche nodhi molworo Samaria kendo omonje.

1 Ruodhi 20:16

Negichako wuoth odiechiengʼ tir ka Ben-Hadad kod ruodhi piero adek gariyo moriwore kode ne nitie e hema metho.

1 Ruodhi 20:23

E kindego jodong ruoth nongʼado rieko ni ruodh Aram nongʼadone rieko kagiwachone niya, “nyisechegi gin nyiseche gode, mano emomiyo ne gin gi teko moloyowa; to ka wakedo kodgi e pewe to adier wabiro bedo matek maloyogi.

1 Ruodhi 20:25

Bende nyaka ichok jolweny marom gi mago mane wawito farese kar farese mane walalo kod geche kar geche mane walalo eka mondo waked gi Israel e pewe. Eka adier wanabed matek moloyogi.” Noyie kodgi motimo kaka owinjore.

1 Ruodhi 22:31

Ruodh jo-Aram nogolo chik ne jotende piero adek gariyo mariembo geche niya, “Kik uked gi ngʼato angʼata bed ni otin kata oduongʼ makmana ruodh Israel.”

Ngeche 21:30

Onge rieko, onge neno matut, onge chenro manyalo loyo Jehova Nyasaye.