1 Ruodhi 20:16 - Motingʼo Loko Manyien

¹⁶ Negichako wuoth odiechiengʼ tir ka Ben-Hadad kod ruodhi piero adek gariyo moriwore kode ne nitie e hema metho.

MUMA MALER 2015

¹⁶ Ne giwuok odiechieng’,

1 Ruodhi 20:16 ပူးပေါင်းရင်းမြစ်များ

1 Ruodhi 16:7

Kata kamano, wach Jehova Nyasaye nobiro gi dho janabi Jehu wuod Hanani ni Baasha kod ode, nikech richo duto mane osetimo e nyim Jehova Nyasaye, komiye mirima gi gik moko mane osetimo, kendo kobedo machal gi od Jeroboam, kendo bende nikech mano nokethe.

1 Ruodhi 16:9

Achiel kuom jotende miluongo ni Zimri mane otelo ni nus gechene nochano mar nege. Ela ne nitie Tirza e kindeno, komer e dala Arza, ngʼat motelo ni od ruoth man Tirza.

1 Ruodhi 20:15

Kamano Ahab nochiko rowere ma jotend lweny mag gwenge maromo ji mia ariyo gi piero adek gariyo. Eka nochoko jo-Israel mamoko maromo ji alufu abiriyo koriwore.

1 Ruodhi 20:17

Rowere ma jotend lweny mag gwenge nodhi mokwongo. Koro Ben-Hadad nooro jombetre mane odwogone wach kama, “Jomoko biro kowuok Samaria.”

1 Ruodhi 22:31

Ruodh jo-Aram nogolo chik ne jotende piero adek gariyo mariembo geche niya, “Kik uked gi ngʼato angʼata bed ni otin kata oduongʼ makmana ruodh Israel.”

Ngeche 20:1

Divai en jajaro to kongʼo en koko; ngʼat motelne kodgi onge rieko.

Isaya 5:22

Mano kaka nobed malit ne thuondi mag madho kongʼo kendo molony e ruwo kongʼo makech.

Isaya 54:15

Kapo ni ngʼato omonji, to ok nobed ni an ema aore; to ngʼato angʼata momonji nochiwre e lweti.

Hosea 4:11

ne chode, ne kongʼo machon kod kongʼo manyien, magolo winjo mar joga.

Amos 6:7

Kuom mano, un e joma ibiro kuongo daro kitero e twech, kendo mano ema biro bedo giko mar dhialruoku.”