1 Ruodhi 2:6 - Motingʼo Loko Manyien

⁶ Ti kode kaluwore gi riekoni, to kik iwe lwar mantie e wiye dhi e bur gi kwe.

MUMA MALER 2015

⁶ Omiyo ti gi riekoni; wiye oseti lwar, to kik iwe otho gi kue.

1 Ruodhi 2:6 ပူးပေါင်းရင်းမြစ်များ

Chakruok 42:38

To Jakobo nodwoke niya, “Wuoda ok nyal dhi kuno kodu; owadgi osetho kendo en kende ema odongʼ, ka gimoro marach otimorene e wuodhno, to ubiro miyo atho gi kuyo.”

Chakruok 9:5

Kendo kuom remb ngimau to anachul kuor. Anachul kuor ne le duto kendo ne ngʼato ka ngʼato anachul kuor nikech ngima wadgi.

Chakruok 9:6

“Ngʼato angʼata mochwero remb dhano, en bende nyaka rembe chwer koa e lwet dhano; nikech e kit Nyasaye nochweyo dhano.

2 Samuel 3:39

Kawuononi, kata bedni an e ngʼat mowir mondo obed ruoth to abwok, yawuot Zeruya-gi otamo wangʼa. Mad Jehova Nyasaye chul kuor ni ngʼama timne rach marom gi timbene maricho!”

1 Ruodhi 2:7

To bed mangʼwon ni yawuot Barzilai ja-Gilead kendo we gibed achiel kuom joma chiemo e mesani. Negidok jokora kane aringo e nyim Abisalom owadu.

1 Ruodhi 2:9

To koro kik ikwane ka ngʼama onge ketho. In ngʼama riek; iningʼe gima nitimne. Kik iwe lwar mantie e wiye dhi e bur gi kwe.

1 Ruodhi 3:12

Abiro timo gima isekwayo. Abiro miyi chuny mar rieko kod mar ngʼeyo mondo kik bedie ngʼama chalo kodi kendo nyaka chiengʼ.

2 Ruodhi 22:20

Kuom mano, anami iywe gi kwereni kendo noiki gi kwe. Ok inine masiche mabiro kelone pinyni.’ ” Omiyo negidwoko wach ne ruoth.

Zaburi 37:37

Ne kit ngima joma onge ketho, non chal joma ngimagi oriere tir, ngʼama ohero kwe nigi geno mar dak amingʼa.

Ngeche 20:26

Ruoth mariek riembo joma timbegi richo; okumogi ma ok okechogi.

Ngeche 28:17

Ngʼat moneko chunye chandore enobed gi kuyo nyaka otho; omiyo kik ngʼato konye.

Eklesiastes 8:11

Ka ngʼado bura ne janjore ok otim, to chuny ji pongʼ gi chenro mar timo marach.

Isaya 48:22

Jehova Nyasaye owacho niya, “Jaricho to onge gi kwe.”

Isaya 57:2

Joma timbegi ni kare yudo kwe; kendo giyudo yweyo ka ginindo e liel.

Isaya 57:21

Nyasacha wacho niya, “Onge kwe ne joricho.”

Isaya 65:20

“E polo manyien-no kod piny manyien-no ok nochak oyudie nyathi minywolo bangʼe dak mana kuom ndalo manok; kata ngʼat maduongʼ ma ok nodag matiek hike duto, ngʼat manotho ka hike mia achiel, nokwan mana ni otho ka pod en rawera; kendo ngʼat manotho ka hike pok ochopo higa mia achiel, nokwan mana ka ngʼama okwongʼ.

Kwan 35:33

“ ‘Kik udwany piny mudakie. Chwero remo dwanyo piny, kendo pwodhruok ok nyal tim ne piny modwany kuom chwero remo, makmana kokadho kuom remb ngʼatno mane ochwero remo.