1 Ruodhi 2:26 - Motingʼo Loko Manyien

²⁶ To kuom Abiathar jadolo, ruoth nowacho niya, “Dog e puotheni mantie Anathoth. Iwinjori gi tho, to ok ananegi sani, nikech nitingʼo Sandug Muma mar Jehova Nyasaye Manyalo Gik Moko Duto e nyim Daudi wuonwa kendo nineno chandruok duto mane wuonwa oneno.”

MUMA MALER 2015

²⁶ To ruoth nowacho ni Abiathar jadolo niya, “In to dog Anathoth dalau. Owinjore itho, to kata kamano koro ok nanegi, nikech niting’o Sanduk mar Ruoth Nyasaye e nyim Daudi wuora, kendo nineno chandruok kaachiel kode.”

1 Ruodhi 2:26 ပူးပေါင်းရင်းမြစ်များ

2 Samuel 12:5

Mirima malich ne omako Daudi gi ngʼatno mowachone Nathan niya, “Akwongʼora gi nying Jehova Nyasaye mangima ni ngʼat mane otimo kama owinjore otho!

1 Ruodhi 1:25

Kawuono osedhi mi ochiwo misengini mathoth mag dhok gi nyiroye machwe kod rombe. Oseluongo yawuot ruoth duto gi jotend lweny kod Abiathar jadolo. E seche ma wawuoyoeni koro gichiemo kendo gimetho kode bende giwacho kama, ‘Ruoth Adonija mondo odag amingʼa!’

1 Ruodhi 1:7

Adonija noloso gi Joab wuod Zeruya kod Abiathar jadolo mine gimiye lwedo.

1 Ruodhi 2:35

Ruoth noketo Benaya wuod Jehoyada jatend lweny kar Joab mi noketo Zadok jadolo kar Abiathar jadolo.

Isaya 10:30

Yaye, nyi Galim, gouru nduru! Yaye, Laish chikuru itu! Yaye, Anathoth mar midhiero!

Jeremia 1:1

Weche Jeremia wuod Hilkia, achiel kuom jodolo man Anathoth e piny Benjamin.

Mathayo 10:42

Bende ka ngʼato angʼata omiyo achiel kuom jomatindogi kata mana pi mangʼich gi kikombe, nikech en japuonjrena, to awachonu adier ni pokne ok nobaye ngangʼ.”

Luka 22:28

Un e jogo mosesiko kochungo koda e masichena.

Jo-Galatia 3:4

Usesandoru malich kamano mana kayiem adier, ooyo ok apar ni kamano?

Joshua 21:18

Anathoth kod Almon, kaachiel gi kuondegi mag kwath. Giduto ne gin mier matindo angʼwen.

1 Samuel 2:32

Kendo inibed gi chandruok e kar dakna kata obedo ni jo-Israel none ber to ei anywolani to onge ngʼat manodag amingʼa mabed moti.

1 Samuel 26:16

Gima isetimo ok ber. Akwongʼora gi nying Jehova Nyasaye mangima ni in kod jogi uwinjoru gi tho, nikech ne ok urito ruodhu ma ngʼat Jehova Nyasaye mowir. Ranguru anena, ere tongʼ mar ruoth gi puga mar pi mane nitiere machiegni gi wiye?”