1 Ruodhi 19:5 - Motingʼo Loko Manyien

⁵ Eka nonindo e tiend yien ma nindo otere. Mapiyo piyo nono malaika nomule mowachone niya, “Chungʼ malo mondo ichiem.”

MUMA MALER 2015

⁵ Noriere e tiend yadhno, monindo. Eka malaika nomule, ka wachone niya, “A malo, ichiem.”

1 Ruodhi 19:5 ပူးပေါင်းရင်းမြစ်များ

1 Ruodhi 19:4

ka en to nodhi e wuodh ndalo achiel e thim. Nochopo e tiend yien ma wiye opedhore mobedo e tiende kendo nolamo ni mad otho. Nowacho niya, “Jehova Nyasaye, aseneno moroma, kaw ngimana, ok aber moloyo kwerena.”

1 Ruodhi 19:6

Nongʼicho kendo noyudo makati matin maliet motedi gi makaa koketi but wiye kod pi e agulu. Nochiemo mometho eka bangʼe kendo nodok monindo.

Zaburi 34:10

Sibuoche nyalo ool kendo kech nyalo kayogi, to joma manyo Jehova Nyasaye ok ochando gima ber moro amora.

Zaburi 34:7

Malaika mar Jehova Nyasaye oumo alwora mar jogo momiye luor kendo oresogi.

Daniel 8:19

Nowacho ni: “Adwaro nyisi gigo mabiro timore e kinde mag masiche, nikech fweny mosenyisini nyiso gik mabiro timore e ndalo giko.

Daniel 9:21

kane pod anie lamo, Gabriel, ngʼat mane oyudo aseneno e fweny motelo, nobiro ira ka huyo matek kar seche mitime misengni mag odhiambo.

Zekaria 4:1

Malaika mane osebedo kawuoyo koda nochiewa, mana kaka ichiewo ngʼato ma nindo.

Tich Joote 12:7

Apoya nono malaika mar Ruoth nofwenyore, mi ler norieny ei od twech. Noyuko Petro mochiewe kowacho niya, “Aa malo piyo.” Gikanyono nyoroche mane otwego Petro nolwar piny.

Jo-Hibrania 1:14

Donge malaike duto gin roho ma Nyasaye oketo mondo oti ni joma Nyasaye biro reso?

Jo-Hibrania 13:5

Kik ubed joma ohero pesa, to gik ma un-go mondo oromu, nikech Nyasaye wacho niya, “Ok anaweu kata jwangʼ ok anajwangʼu”