1 Ruodhi 17:22 - Motingʼo Loko Manyien

²² Jehova Nyasaye nowinjo ywak Elija mi ngima wuowino noduogone mi nobedo mangima.

MUMA MALER 2015

²² Ruoth Nyasaye nowinjo Elija, mi chuny nyathi noduogo, modoko mangima.

1 Ruodhi 17:22 ပူးပေါင်းရင်းမြစ်များ

1 Ruodhi 17:23

Elija nochungo nyathino motingʼe kogole oko ewi tado motere e ot. Nomiye min-gi mowachone niya ne wuodi ngima!

2 Ruodhi 13:21

Chiengʼ moro kane jo-Israel yiko ngʼato, negipo ka gineno wasigu kabiro, mi negibolo ringre ngʼatno e bur mane oike Elisha. Kane ringre ngʼatno olwar e choke Elisha, nopo ka chunye odwogo mochungʼ gi tiendene.

Luka 7:14

Eka nodhi machiegni kendo nomulo sanduku mane otingʼe wuowi manotho, to jogo mane otingʼe nochungʼ. Nowachone, “Wuowi matin, awachoni, chungi aa malo!”

Luka 8:54

To nomako lwet nyakono kendo nowacho niya, “Nyathina, chungi ia malo.”

Johana 11:43

Bangʼ wacho mano, Yesu noluongo gi dwol maduongʼ niya, “Lazaro, wuog oko!”

Tich Joote 20:12

Ji nokawo wuowino motere dala kongima, kendo chunygi noyudo hoch maduongʼ.

Jo-Rumi 14:9

Ma emomiyo Kristo notho mochako odoko mangima kendo mondo obed Ruodh joma ngima gi joma otho duto kaachiel.

Rapar mar Chik 32:39

“Ngʼeuru malongʼo ni An e Nyasaye kendo onge nyasaye machielo makmana An. An ema anego ji kendo An ema achiwo ngima, bende An ema ahinyo kendo achango. Omiyo onge ngʼama nyalo reso ngʼato e lweta.

Jo-Hibrania 11:35

Mon mane nigi yie nochiernegi jogi manosetho mi gikawogi ka gingima. Jomoko kuomgi kata ne isando malich to nodagi ni kik wegi thuolo, nikech negigeno ni nochiergi e ngima maber moloyo.

Fweny 11:11

To bangʼ ndalo adek gi nus much ngima mar Nyasaye nodonjo eigi, mine gichungʼ gi tiendegi, kendo luoro maduongʼ nomako joma ne onenogi.

1 Samuel 2:6

“Jehova Nyasaye ema kelo tho, kendo chiwo ngima; en ema onego kendo ochiero.