1 Ruodhi 16:18 - Motingʼo Loko Manyien

¹⁸ Kane Zimri oneno ni dalano osekaw, nodhi kama tek mar dala ruoth, nomoko dalano mach molwore. Mine otho,

MUMA MALER 2015

¹⁸ To kane Zimri oneno ni dala osekaw, nodonjo e od ruoth, mochwinyo mach kuom odno, motho kanyo.

1 Ruodhi 16:18 ပူးပေါင်းရင်းမြစ်များ

2 Samuel 17:23

Kane Ahithofel oneno ni rieko mane ongʼado ok oluw, noidho pundane modok dalagi e ode. Noloso weche mag ode; bangʼe ne odere. Omiyo notho moike e bur wuon mare.

1 Ruodhi 16:17

Eka Omri gi jo-Israel duto mane ni kode nowuok Gibethon mi gimonjo Tirza.

2 Ruodhi 15:25

Achiel kuom jodonge, ma en Peka wuod Remalia nojame mondo otimne marach. Nokawo ji piero abich moa Gilead odhigo monego Pekahia kaachiel gi Argob kod Arie, e kind siro mar kar od ruoth man Samaria. Omiyo Peka nonego Pekahia mobedo ruoth kare.

2 Ruodhi 9:31

Kane Jehu odonjo e dhorangach nopenjo niya, “Ibiro e yor kwe, in Zimri ma janek ruodheni?”

Mathayo 27:5

Omiyo Judas nowito pesago ei hekalu bangʼe oa odhi. Eka nodhi modere.

Jong’ad Bura 9:54

Noluongo jatingʼne gik lweny mapiyo mowachone niya, “Wuodh liganglani kendo inega, mondo kik giwach ni, ‘Dhako ema nonege.’ ” Omiyo jatichne nowuodho ligangla mochwowego kendo otho.