1 Ruodhi 15:17 - Motingʼo Loko Manyien

¹⁷ Baasha ruodh Israel nodhi kedo kod Juda kendo nochielo Rama motegno mondo ogengʼ ni ngʼato angʼata kik wuogi kata donji e piny Asa ruodh Juda.

MUMA MALER 2015

¹⁷ Baasha ruodh Israel nodhi monjo jo-Juda, kendo nochielo Rama gi ohinga, moketoe jolweny mondo ogeng’ ni ji duto madhi ka Asa ruodh Juda, kata maa kuno.

1 Ruodhi 15:17 ပူးပေါင်းရင်းမြစ်များ

1 Ruodhi 12:26

Jeroboam noparo kende owuon mowacho niya, “Loch nyalo dok e lwet dhood Daudi.

1 Ruodhi 12:27

Ka jogi odhi e hekalu mar Jehova Nyasaye man Jerusalem mondo gichiw misengini, to chunygi biro dok ni ruodhgi, ma en Rehoboam ruodh Juda. Gibiro nega mi gidog ni Ruoth Rehoboam.”

1 Ruodhi 15:27

Baasha wuod Ahija ja-dhood Isakar nomonje mi nogoye monege e Gibethon e dala jo-Filistia ka Nadab kod jo-Israel duto ne dwaro monjo dalano.

Jeremia 31:15

Ma e gima Jehova Nyasaye wacho: “Dwol winjore Rama, ka goyo nduru, kendo ywak malich, Rael ywago nyithinde kendo odagi ni ok nyal hoye, nikech gisetho.”

Jeremia 41:9

Koro buche mane owitoe ringre chwo duto mane osenego kaachiel gi Gedalia ne en mano mane Ruoth Asa oloso kaka kar pondone kane okedo gi Baasha ruodh Israel. Ishmael wuod Nethania nopongʼe gi ringre joma otho.

Joshua 18:25

Mier mamoko ne gin: Gibeon, Rama, Beeroth,

1 Samuel 15:34

Eka Samuel nowuok modhi Rama, to Saulo bende nodok dalane Gibea.