1 Ruodhi 13:26 - Motingʼo Loko Manyien

²⁶ Kane janabi mane odwoge chien e wuodhe owinjo ma nowacho niya, “En ngʼat Nyasaye mane ochayo wach Nyasaye. Jehova Nyasaye osechiwe ni sibuor mosekidhe kendo onege mana kaka wach Jehova Nyasaye nosesieme.”

MUMA MALER 2015

²⁶ Kane janabino owinjo wachno, nowacho niya, “Nyaka bed ni en ng’at Nyasaye mane ok orito wach Ruoth Nyasaye cha. Emomiyo Ruoth Nyasaye osechiwe ni sibuor, ma koro osenege mokidhe, mana kaka Ruoth Nyasaye nowachone.”

1 Ruodhi 13:26 ပူးပေါင်းရင်းမြစ်များ

2 Samuel 12:10

Kuom mano, negruok gi ligangla ok norum e odi, nikech ne ichaya mi ikawo chi Uria ja-Hiti mobedo mari iwuon.’

2 Samuel 12:14

To nikech gima isetimo, isemiyo jowasigu ojaro Jehova Nyasaye, omiyo wuodi monywolno biro tho.”

1 Ruodhi 13:25

Jomoko mane kadho machiegni noneno ringreno kowit piny kanyo, ka sibuor ochungʼ but ringruokno kendo negidhi mi gilando wachno e dala mane janabi moticha odakie.

1 Ruodhi 13:27

Janabi nowachone yawuote niya, “Gawnauru punda kendo negitimo kamano.”

Zaburi 119:120

Denda tetni nikech oluori, kihondko omaka nikech chikeni.

Ngeche 11:31

Ka joma kare yudo pokgi e piny, to joma ok oluoro Nyasaye gi joricho diyud mangʼeny maromo nadi!

Ezekiel 9:6

Neguru jomadongo gi jomatindo, jotich ma nyiri gi ma yawuowi, mon kod nyithindo, to kik umul ngʼato angʼata man-gi kido e lela wangʼe. Chakuru timo kamano e kara maler mar lemo.” Kuom mano negichako gi jodongo mane ni e nyim hekalu.

Tim jo-Lawi 10:3

Eka Musa nowacho ni Harun niya, “Ma e gima Jehova Nyasaye nowuoyoe kawacho kama, “ ‘Ananyis kaka an Nyasaye Maler ne jogo masudo buta, kendo nyaka miya luor e nyim ogendini duto.’ ” Wachni nomako dho Harun.

1 Jo-Korintho 11:30

Mano emomiyo ji mathoth kuomu ool kendo tuo; kendo moko kuomu osetho.

1 Petro 4:17

Nikech ndalo koro osechopo mingʼadoe bura ni jood Nyasaye. To ka wan ema ochakore kodwa kamano to uparo ni joma ok luw Injili mar Nyasaye to biro neno malit machal nadi?