1 Ruodhi 10:28 - Motingʼo Loko Manyien

²⁸ Solomon nokelo farese koa Misri kod e piny miluongo ni Kue, johala mag ruoth nongʼiewogi e piny Kue.

MUMA MALER 2015

²⁸ Ne oomo farese Misri gi Koah, kuma johala mage ne ng’iewogie kuom nengo moketi.

1 Ruodhi 10:28 ပူးပေါင်းရင်းမြစ်များ

Chakruok 41:42

Eka Farao nogolo tere mar loch e lwete morwako e lwet Josef. Ne orwako ne Josef law mayom mar duongʼ miluongo ni bafta kendo orwako ne tigo mar dhahabu e ngʼute.

Chakruok 47:17

Kuom mano negikelo jambgi ne Josef kendo nomiyogi chiemo kar farese, gi rombe gi diek gi dhok kod punde. Kendo e higano, nopidhogi gi chiemo kar jambgi duto.

2 Weche mag Ndalo 9:28

Solomon nokelo farese koa Misri kod pinje mamoko duto.

Ngeche 7:16

Asepedho kitandana gi suke mokikokiko moa Misri.

Isaya 19:9

Jogo machweyo lewni mag tworo nobed mool kendo joma chweyo gik mabeyo chunygi nonyosre.

Isaya 36:9

Ere kaka koro uparo ni unyalo loyo achiel kuom jotend jolweny matinie moloyo mag ruodha ka uketo genou mana kuom jolwenj Misri gi faresegi?

Ezekiel 27:7

Tangani nolos gi nanga maber mochwe gi usi moa Misri kendo mano ema nobedo bandechi; tandaruwa moumigo nokiko rambulu gi ralik, moa e dho nembe mag Elisha.

Rapar mar Chik 17:16

To ruoth ok onego obed gi farese mangʼeny kata chuno ji mondo odog Misri dhi omo moko, nimar Jehova Nyasaye osewachonu niya, “Ok onego udog gi yorno kendo.”