1 Petro 5:7 - Motingʼo Loko Manyien

⁷ Keturu parruok duto ma un-go kuome nikech oparou.

MUMA MALER 2015

⁷ Keturu parruok duto ma un-go kuome, nikech oparou.

1 Petro 5:7 ပူးပေါင်းရင်းမြစ်များ

Zaburi 34:15

Wangʼ Jehova Nyasaye ni kuom joma kare kendo ite winjo ywakgi;

Zaburi 37:5

Ket yoreni kuom Jehova Nyasaye; ket genoni kuome eka obiro timo kama:

Zaburi 40:17

Anto adhier kendo achando, mad Ruoth Nyasaye parae. In e jakonyna kendo jawarna; in e Nyasacha, kik ideki.

Zaburi 55:22

Ket pek manie chunyi ne Jehova Nyasaye to obiro riti; ok obi weyo ngʼat makare podhi.

Ngeche 16:3

Ket gimoro amora mitimo e lwet Jehova Nyasaye, to chenrogi biro dhi maber.

Mathayo 6:27

En ngʼa kuomu ma parruok moparorego nyalo miyo omed bedo mangima kata mana kuom sa achiel kende?

Mathayo 6:28

“Koso uparoru ne wach lewni nangʼo? Neyeuru kaka ondanyo mag pap dongo. Ok ginyagre gi tich kata gi chwecho.

Mathayo 6:31

Omiyo kik uparru kuwacho ni, ‘Wabiro chamo angʼo?’ Kata ni, ‘Wabiro madho angʼo?’ Kata ni, ‘Wabiro rwako angʼo?’

Mariko 4:38

Sechego noyudo Yesu nindo ewi raten man kachien yie. Jopuonjre nochiewe kagiwachone niya, “Japuonj, donge litni ka watho?”

Luka 12:22

Eka Yesu nowachone jopuonjrene niya, “Emomiyo awachonu ni kik uparru kuom ngimau, kata kuom gik ma ubiro chamo, kata kuom dendu, kata gik ma ubiro rwako.

Luka 12:26

To kaka ok unyal timo mani matin-ni, angʼo momiyo uparoru kuom gik mamoko?

Johana 10:13

Ngʼatno ringo tony nikech en mana jatich kendo ngima rombe ok obadhe.

Jo-Filipi 4:6

Kik uparru kuom gimoro amora, to kwauru Nyasaye gik moko duto muchando, kulamo, kendo kugoyone erokamano, kuketo kwayou mondo ongʼere ni Nyasaye.

1 Samuel 30:6

Daudi ne chunye ool nikech jogo ne wacho ni mondo ochiele gi kite; ka moro ka moro ne winjo lit nikech yawuote gi nyige. Daudi to noyudo teko moa kuom Jehova Nyasaye ma Nyasache.