1 Johana 4:21 - Motingʼo Loko Manyien

²¹ Chik ma osemiyowa en ma: Ngʼat mohero Nyasaye nyaka her wadgi bende.

MUMA MALER 2015

²¹ To chik ma waseyudo kuom Nyasaye e ma: Ng’ama ohero Nyasaye nyaka her owadgi bende.

1 Johana 4:21 ပူးပေါင်းရင်းမြစ်များ

Tim jo-Lawi 19:18

“ ‘Kik idwar chulo kuor, kendo kik ibed ngʼama mon gi jowadgi, to her wadu kaka iherori iwuon. An e Jehova Nyasaye.

Mathayo 5:43

“Usewinjo ni nowachi ni, ‘Her wadu to jasiki to isin-go.’

Luka 10:37

Ngʼat molony gi chik nodwoko niya, “En ngʼat mane okeche.” Eka Yesu nowachone niya, “Dhi kendo itim kamano.”

Johana 15:12

Chik ma amiyou ema: Herreuru ngʼato gi ngʼato, mana kaka an bende aseherou.

Jo-Galatia 5:14

Nikech Chik duto ichopo kare mana gi chik achiel mawacho niya, “Her wadu kaka iherori iwuon.”

Jo-Galatia 5:6

Nikech kuom Kristo Yesu onge pogruok bed ni ngʼato oter nyangu kata ok otere. Gimoro achiel kende madwarore en yie matiyo kuom hera.

1 Jo-Thesalonika 4:9

To kuom wach hera ma jowete kuom Kristo onego oherrego to ok wane tiende ndikonue, nikech un uwegi Nyasaye osepuonjou mondo uherru ngʼato gi ngʼato.

1 Petro 3:8

Mogik, neuru ni un duto un gi chuny achiel kod paro achiel, kuheroru kaka owete, kendo beduru mamuol kendo mangʼwon.

1 Petro 4:8

To moloyo mago duto, herreuru gihera matut ngʼato gi ngʼato, nikech hera umo richo mangʼeny.

1 Johana 2:7

Joherana, chik ma andikonuni ok en manyien. En chik musebedogo nyaka aa chakruok. Chikno en e wach ma usewinjo.

1 Johana 3:11

Wach mane uwinjo nyaka aa chakruok ema: Nyaka waherreuru ngʼato gi ngʼato.

1 Johana 3:14

Wangʼeyo ni wasekalo waa e tho miwadonjo e ngima, nikech wahero owetewa. Ngʼama ok ohero owadgi osiko e tho.

1 Johana 3:18

Nyithinda mageno, kik wawach mana gi dhowa ni wahero ji, to waher ji gi tim kendo gi adiera.

1 Johana 3:23

To ma e chik Nyasaye: ni mondo wayie e nying Wuode Yesu Kristo kendo mondo waherre ngʼato gi ngʼato, mana kaka Kristo nochikowa.

1 Johana 4:11

Osiepena mageno, ka Nyasaye noherowa kamano, to wan bende waherre ngʼato gi ngʼato.