1 Johana 3:17 - Motingʼo Loko Manyien

¹⁷ Ka ngʼato jamoko to oneno owadgi kochando to ok okeche, ere kaka ngʼama kamano nyalo wacho ni en gihera mar Nyasaye?

MUMA MALER 2015

¹⁷ Ka ng’ato man gi mwandu oneno wadgi moro ka onge gi gima dokonyrego, to otamore konye, koro ere kaka hera mar Nyasaye nyalo siko e chunye?

1 Johana 3:17 ပူးပေါင်းရင်းမြစ်များ

Ngeche 12:10

Ngʼat makare chiwo kony ne gik ma jambe dwaro, to timbe mag ngʼwono mag ngʼat marach gin mana gero.

Ngeche 14:31

Ngʼat masando jochan nyiso achaya ne Jal mane ochweyogi, to ngʼato angʼata mangʼwon ni jogo mochando miyo Nyasaye luor.

Ngeche 19:17

Ngʼat manyiso ngʼwono ne jochan, holo mana Jehova Nyasaye, obiro gwedhe kuom gik mosetimo.

Ngeche 21:13

Ka ngʼato odino ite ne ywak mar jachan, en owuon bende obiro ywak to ok nodwoke.

Ngeche 28:9

Ka ngʼato odino ite ne chik, kata mana lemone bende richo.

Luka 3:11

Johana nodwoko niya, “Ngʼat man-gi sede ariyo owinjore chiw achiel okonygo nyawadgi ma ongego, kendo jalno man kod chiemo bende onego tim kamano.”

2 Jo-Korintho 8:9

Nikech ungʼeyo ngʼwono mar Ruodhwa Yesu Kristo kaka chal, ni kata obedo ni ne en gi mwandu, to nodoko modhier, nikech un, mondo un ubed jo-mwandu nikech dhierneno.

Jo-Hibrania 13:16

To bende wiu kik wil gi timo timbe mabeyo kendo gipogone ji giu, nikech mago e kit misango ma Nyasaye morgo.

Jakobo 2:15

Wakaw ane kaka ranyisi ni owadwa kata nyaminwa kuom Kristo moro wuotho duk kendo oonge gi chiemo monyalo chamo.

Jakobo 2:16

Ka ngʼato achiel kuomu nyalo wachone niya, “Dhi gi kwe, Nyasaye mondo ogwedhi, kendo koyo kik chami, kendo ichiem maber,” to ok otimo gimoro mokonyo ngʼatni, to ere berne?

1 Johana 4:20

Ka ngʼato wacho ni ohero Nyasaye to omon gi wadgi to en ja-miriambo; nikech ngʼama ok ohero wadgi, moseneno gi wangʼe, ok nyal hero Nyasaye mapok oneno.

1 Johana 5:1

Ngʼato ka ngʼato moyie ni Yesu e Kristo en nyathi Nyasaye, kendo ngʼama ohero Wuoro ohero nyathine bende.