1 Johana 3:1 - Motingʼo Loko Manyien

¹ Mano kaka hera ma Wuoro oherowago duongʼ kuom luongowa ni nyithind Nyasaye. Kendo mano e gima wan! Gimomiyo piny, ok ongʼeyowa en nikech piny ne ok ongʼeye.

MUMA MALER 2015

¹ Mano hera maduong’ manadi ma Wuoro osenyisowa kuom luongowa ni nyithind Nyasaye! Adier, wan nyithinde! Gimomiyo piny ok ong’eyowa en ni, piny kia Nyasaye.

1 Johana 3:1 ပူးပေါင်းရင်းမြစ်များ

2 Samuel 7:19

To ka gima kamano ok oromo e nyim wangʼi, yaye Jehova Nyasaye Manyalo Gik Moko Duto, to isewuoyo kuom gik mabiro timore e od jatichni kinde mabiro. Bende ma e kaka itiyo gi dhano, yaye Jehova Nyasaye Manyalo Gik Moko Duto?

Zaburi 31:19

Mano kaka berni duongʼ, ber mikano ne joma oluori, mimiyo joma opondo kuomi ka ji duto neno.

Jeremia 3:19

“An awuon ne awacho niya, “ ‘Mano kaka dabed mamor ka akawou kaka yawuota kendo amiu piny mowinjore, girkeni maber mogik mar piny moro amora.’ Ne aparo ni unyalo luonga ni ‘Wuonwa,’ kendo ni ok unuwe luwa.

Hosea 1:10

“To kata obedo kamano, jo-Israel nobed mathoth ka kwoyo manie dho nam ma ok nyal pim kata kwano. Kama ne owachnegi ni, ‘Ok un joga,’ ibiro luongogi ni ‘yawuot Nyasaye mangima.’

Luka 20:36

to bende ok ginitho kendo ngangʼ, nimar gichalo gi malaike. Gin nyithind Nyasaye, nikech gin nyithind chierno.

Johana 1:12

To ji duto mane orwake, mi oyie kuome, nomiyogi teko mar doko nyithind Nyasaye,

Johana 11:52

to ok ne pinyno kende, to ne nyithind Nyasaye duto mokere, mondo ochokgi kaachiel, kendo omi gibed gimoro achiel.

Johana 15:21

Gibiro timonu kamano nikech nyinga, nimar gikia Jal mane oora.

Johana 16:3

Ginitim kamano nikech ok gingʼeyo Wuora kata An.

Johana 17:25

“Wuoro Makare, kata obedo ni piny ok ongʼeyi, an to angʼeyi, kendo jogi bende ongʼeyo ni ne iora.

Johana 3:16

“Nikech Nyasaye nohero piny ahinya, omiyo nochiwo Wuode ma miderma, mondo ngʼato angʼata moyie kuome kik lal, to obed gi ngima mochwere.

Jo-Rumi 5:8

To Nyasaye nyiso herane moherowago kama: Kane pod wan joricho, to Kristo nothonwa.

Jo-Rumi 8:19

Chwech duto rito gi geno chiengʼ ma nyithind Nyasaye nofwenyre.

Jo-Rumi 8:21

ni chwech duto chiengʼ moro nowe thuolo mondo kik gitow to giyud thuolo maduongʼ ma nyithind Nyasaye nigo.

Jo-Rumi 8:32

Ka Wuode owuon ema ne ok okecho, to nochiwonwago wan duto, koro en angʼo ma dimone miyowa gik moko duto, kaachiel kode kuom ngʼwonone?

2 Jo-Korintho 6:18

Kendo, “Anabed Wuonu, to unubed yawuota gi nyiga, Jehova Nyasaye Maratego ema owacho.”

Jo-Galatia 3:26

Un duto un nyithind Nyasaye nikech uyie kuom Kristo Yesu,

Jo-Galatia 3:29

Omiyo ka un jo-Kristo, to mano nyiso ni un koth Ibrahim, kendo un jocham girkeni ma nosingi.

Rapar mar Chik 14:1

Un e nyithind Jehova Nyasaye ma Nyasachu. Kik usar dendu kata uliel yie wiu, kuywago ngʼama otho, kata lielo pat wangʼu,

Jo-Kolosai 3:3

Nikech ne utho kendo ngimau koro opandi ei Kristo, kuom Nyasaye.

1 Johana 3:10

Kaka wanyalo ngʼeyo pogruok manie kind nyithind Nyasaye gi nyithind Satan ema: Ngʼat ma ok tim gima kare kendo ma ok ohero owadgi ok en nyathi Nyasaye.

1 Johana 3:2

Osiepena mageno, koro wan nyithind Nyasaye, to kaka wabiro bedo achien pok ongʼere. To wangʼeyo ni ka Kristo nofwenyre, to wanabed machal kode, nikech wananene kaka ochal.

1 Johana 4:17

Ma e kaka herawa nyaka nyisre chuth mondo chiengʼ ngʼado bura wabed gi chir nikech e ngima mar pinyni wachal kode.

Fweny 21:7

Ngʼat molocho noyud gigi duto kaka girkeni, kendo anabed Nyasache, to enobed wuoda.