Tito 3:3 - Mixtec Silacayoapan

³ Jáchi̱ ndítahan ndícu̱hu̱n iní ña̱ tá cáma̱ni̱ ndi̱hví íchi̱ cuéntá Jesús já na̱caja í cua̱há nu̱ú cua̱chi. Quíhví na̱sa̱caja í ta co̱ó na̱caja í ña̱ cúni̱ Ndióxi̱. Na̱candúsa í ña̱ tu̱hún, ña̱ na̱cachi na̱ jándahvi mí. Ta na̱sa̱caja í tá nu̱ú ña̱ núu jáchi̱ na̱ndia̱va̱ íní yo̱ caja í ña̱ ta mé cua̱chi na̱sahnda chuun nu̱ yo̱. Tócó ndihi qui̱vi̱ na̱sa̱caja í ña̱ núu ta na̱sa̱cuú ña̱yivi i̱hvi̱ ini. Na̱sa̱ndají ña̱yivi mí ta ndaja mí na̱sa̱ndají táhan í viti.

Tito 3:3 ပူးပေါင်းရင်းမြစ်များ

San Mateo 21:29

Já na̱cachi ja̱hyi da já xi̱hi̱n dá: “A̱ cúhu̱n toho i̱ jáchi̱ co̱ xíca̱ ini i̱ cu̱hu̱n i̱”, na̱cachi da. Joo tá na̱ndihi na̱cahvi ini da ña̱ a̱ váha ná cuu ini da chí já na̱quee da cua̱ha̱n da̱ caja chúun da nu̱ ñúhu̱ tátá da̱.

San Lucas 21:8

A̱nda̱ já na̱cachi Jesús já: —Cuéntá coo ndó ta a̱ quiáhva ndó ña̱ma̱ni̱ jándahvi ña̱yivi ndo̱hó. Jáchi̱ quixi cua̱há ndiva̱ha na cuéntá mí i̱ ta ca̱ha̱n na̱ ña̱ tu̱hún tá cachi na já xi̱hi̱n ndo̱: “Ye̱he̱ cúú Cristo, da̱ na̱chindahá Ndióxi̱ cacomí a̱ cuéntá sa̱há ña̱yivi.” Ta cachi na já: “Viti na̱xi̱nu̱ co̱o tiempo ndihi sa̱ha̱ ñuyíví”, cachi na xi̱hi̱n ndo̱. Joo coto a̱ cándúsa ndó candi̱co̱ ndó ja̱ta̱ ná cu̱hu̱n ndo̱.

San Juan 8:34

Já na̱cachi Jesús já xi̱hi̱n ná: —Mé a̱ nda̱a̱ ná ca̱ha̱n i̱ xi̱hi̱n ndo̱. Tócó ndihi na̱ sá caja cua̱chi cúú tá cúú na̱ tátu̱hun mozo nu̱ú cua̱chi jáchi̱ cómí a̱ cuéntá sa̱ha̱ ná.

Romanos 11:30

Sáá na̱sahi̱in ini ndóhó, na̱ tóho̱ sa̱nahá joo viti na̱caja mé á cua̱há ña̱ma̱ni̱ xi̱hi̱n ndó sa̱há ña̱ sáá ini na̱ Israel.

Romanos 6:12

Ña̱ cán quéa̱ a̱ quiáhva ndó ña̱ma̱ni̱ nu̱ú cua̱chi ña̱ ná cacomí a̱ cuéntá sa̱há yiquí cu̱ñu ndó jáchi̱ tá ná ndiquia̱hva ndó mé ndó ndahá cua̱chi já quéa̱ caja ndó cua̱chi ña̱ xíca̱ ini ndó caja ndó.

Romanos 6:17

Jihna na̱caja ndó cua̱chi cuití va joo ndixa̱hvi Ndióxi̱ jáchi̱ xi̱hín ndinuhu ini ndó cája ndó ña̱ nda̱a̱, ña̱ na̱catia̱hva ndó cuéntá Ndióxi̱.

Romanos 6:22

Joo co̱ cómí ga̱ cua̱chi cuéntá sa̱ha̱ ndo̱ viti jáchi̱ na̱nduu Ndióxi̱ xitoho ndó. Va̱ha quehe ndó tá ná caja ndó ña̱ cúni̱ mé á jáchi̱ já xi̱nu̱ co̱o ndó cacuu ndó ña̱yivi yi̱i̱ nu̱ Ndióxi̱ ta já cu̱hu̱n ndó coo ndó xi̱hi̱n mé á a̱nda̱ ama cáa qui̱vi̱.

Romanos 6:6

Tá cáma̱ni̱ cándeé iní Jesús já na̱catóó ndiva̱ha í cája í cua̱chi jáchi̱ na̱sahnda cua̱chi chuun nu̱ yo̱. Joo sa̱há ña̱ na̱xi̱hi̱ Jesucristo ndi̱ca crúxu̱ sa̱há ña̱ cán quéa̱ na̱jándacoo í cua̱chi cája í ta viti co̱ sáhndá ga̱ cua̱chi chuun nu̱ yo̱.

2 Corintios 12:20

Yíhví i̱ jáchi̱ tá ná sa̱a̱ i̱ coto nihni i̱ ndo̱hó co̱ cúni̱ i̱ ndiñe̱hé e̱ ndo̱hó cája ndó ña̱ núu, ña̱ co̱ cátóó i̱. Ta sa̱ mé quia̱hva já yíhví i̱ ña̱ cuni ndó ye̱he̱ caja i̱ ña̱ co̱ cátóó ndo̱. Yíhví i̱ jáchi̱ tia̱hva náá cani táhan ndó, á cahi̱hvi̱ ini xi̱hi̱n táhan ndó, á co̱jo̱ ini xi̱hi̱n táhan ndó, á ndacahnda táhan ndó, á ca̱ha̱n ndó ña̱ tu̱hún sa̱há ñani táhan ndó, á cande̱hé ndaa táhan ndó, á ndiñehe jícó ndo̱ mé ndó, á sa̱ jíin sa̱ jíin cája in in ndó.

Gálatas 6:3

Tá ndúu java na tañu ndó ta cáhán na̱ cúú ná na̱ náhnu ndiva̱ha va̱tí co̱ cúú á ña̱ nda̱a̱ já quéa̱ jándahvi na mé va na.

Colosenses 1:21

Mé ndó na̱sa̱nduu xícá ndo̱ nu̱ Ndióxi̱ ta na̱xini i̱hvi̱ ndó a̱ jáchi̱ ndinuhu ña̱ núu na̱sa̱cahvi ini ndó caja ndó, nduu. Joo viti na̱jándique táhan máni̱ Ndióxi̱ ndo̱hó xi̱hi̱n mé á

Colosenses 3:7

Ta ja̱nda̱ mé ndó tá na̱xi̱ca nuu ndó ichí cua̱chi já na̱caja ndó ña̱ ja̱n.

2 Timoteo 3:13

Ta ña̱yivi quini, mé na̱ jándahvi ña̱yivi cája chága̱ ví na̱ cua̱chi ta co̱ xíni̱ na̱ ndájá xi̱nu̱ co̱o nu̱ú ndihi cua̱chi cája na. Xíca na jándahvi na ña̱yivi ta ja̱nda̱ mé na̱ cán na̱jándahvi ña̱yivi.

2 Timoteo 3:6

Jáchi̱ tañu na̱ ja̱n ndúu java ña̱yivi, na̱ quíhvi vehe tá vehe jándahvi na na̱ji̱hí quíhví xi̱hín ña̱ jána̱ha̱ na̱. Ta mé na̱ji̱hí yóho ndójo cua̱há ndiva̱ha na cua̱chi jáchi̱ na̱ya̱ha quia̱hva cája na tá nu̱ú ña̱ núu xíca̱ ini na caja na.

Tito 1:16

Va̱tí cáchí na̱ yóho ña̱ cándeé ini na Ndióxi̱ joo xi̱hín ña̱ núu cája na náha̱ ña̱ mé a̱ nda̱a̱ co̱ cándeé ini na mé á. Sáá ndiva̱ha ini na ta a̱ xe̱én toho na caja na ña̱ nda̱a̱ sa̱há ña̱ cán quéa̱ ni in ña̱ha va̱ha a̱ cu̱ú caja na.

Tito 2:12

Ta jána̱ha̱ mé á nu̱ yo̱ ña̱ ndítahan jándicoo í tócó ndihi ña̱ núu, ña̱ xíca iní caja í ñuyíví yóho. Jáchi̱ ndítahan nu̱ yo̱ ca̱hnu̱ í mí ta ná caja í ña̱ nda̱a̱ cuití va ta ná candi̱co̱ cáhnu í íchi̱ cuéntá Ndióxi̱.

Santiago 1:26

Cúú á tátu̱hun tá íin in da̱ta̱a tañu ndó ta cáhán da̱ cája da ña̱ cúni̱ Ndióxi̱ joo co̱ ndáá da̱ yúhu̱ dá tá cáha̱n da̱ sa̱há ñani táhan da já quéa̱ jándahvi da mé va da ta co̱ó sa̱ha̱ toho ña̱ cája da nu̱ Ndióxi̱ jáchi̱ co̱ cája da ña̱ cáchí tu̱hun Ndióxi̱.

1 Pedro 1:14

A̱ cácuu ndó ña̱yivi sáá ini jáchi̱ cúú ndó ja̱hyi Ndióxi̱. Co̱ ndítahan ga̱ cája ndó ña̱ núu ña̱ na̱xi̱ca̱ ini ndó caja ndó tá cáma̱ní canda̱a̱ ini ndó tu̱hun Ndióxi̱.

Apocalipsis 12:9

Ña̱ cán quéa̱ na̱jácana Ndióxi̱ mé rí cán ja̱nda̱ ñuyíví yóho. Mé rí na̱sahi̱in rí ja̱nda̱ sa̱nahá ndiva̱ha. Ta naní rí Satanás, mé tiñáhá sa̱cua̱ha̱, rí jándahvi tócó ndihi ña̱yivi ndúu ñuyíví. Mé rí xi̱hi̱n tócó ndihi táto̱ rí ndíco̱ ja̱ta̱ ri̱ na̱jácana Ndióxi̱ ri̱ ja̱nda̱ ñuyíví yóho.

Apocalipsis 13:14

Ta na̱jándahvi rí ña̱yivi ndúu ñuyíví xi̱hi̱n tócó ndihi ña̱ xitúhún, ña̱ na̱ñe̱he̱ rí ña̱ma̱ni̱ caja rí yóho nu̱ mé rí nu̱ cuítí cán. Ta na̱sahnda mé inga rí cán chuun nu̱ú ña̱yivi ñuyíví ña̱ ná cava̱ha na in tini̱ñu yúú quití quini nu̱ cuítí cán. Mé rí na̱ndicue̱he̱ quini ndiva̱ha ri̱ xi̱hín yuchú cáni̱ joo na̱ndiva̱ha rí.

Apocalipsis 18:2

Ta já na̱casáhá cáyuhú cóhó a̱ já cáchí a̱ já: —Ay, ay, sa̱ na̱ndihi va sa̱há ñuu cáhnu Babilonia cán ta na̱nduu a tátu̱hun cavá tiñáhá. Cúú á tátu̱hun nu̱ú na̱ndicutú nda̱a̱ ínima̱ quini ñúhu rí. Ta na̱nduu a tátu̱hun in cho̱ho̱ nu̱ ñúhu tá nu̱ú laa quini, rí cándají ña̱yivi.