San Mateo 5:18 - Mixtec Silacayoapan18 Mé a̱ nda̱a̱ ná ca̱ha̱n i̱ xi̱hi̱n ndó ña̱ a̱ ndíhi sa̱ha̱ mé ley nani íin indiví xi̱hín ñuyíví yóho. Ni in túhún toho tu̱hun, a̱ ndíhi sa̱ha̱ ja̱nda̱ quia̱hva ná ya̱ha tócó ndihi ña̱ ndítahan ya̱ha. အခန်းကိုကြည့်ပါ။ |
San Mateo 5:18
82 ပူးပေါင်းရင်းမြစ်များ
Já na̱cachi Jesús já xi̱hi̱n ná: —Co̱ó na̱cuu caja ndó jáchi̱ co̱ cándeé cáhnu ini ndó ye̱he̱. Mé a̱ nda̱a̱ cáchí i̱ xi̱hi̱n ndó, loho tíín ndiva̱ha cáa in ndíqui̱ mostaza joo ndúu dó in yíto̱ cáhnu. Tá cándeé loho ini ndó ye̱he̱ viti va̱xi qui̱vi̱ candeé chága̱ ini ndó ye̱he̱. A̱nda̱ jáví cuu caja ndó in ña̱ha i̱hvi̱ ndiva̱ha tátu̱hun ña̱ cuu cachi ndó xi̱hín in yúcu̱ ña̱ ná caxoo a ta chí caxoo ndusa ña̱. Tócó ndihi ña̱ha cuu caja ndó tá ná candeé ini ndó ye̱he̱.
Sa̱há ña̱ cán quéa̱ tá chíndeé ndó ña̱yivi, na̱ ndíma̱ní ña̱ha nu̱u̱, a̱ cáca nuu ndó ca̱ha̱n lánda̱ ndó ña̱ nu̱ú ña̱yivi tá quia̱hva cája na̱ co̱ cúú ná tá quia̱hva ndáa na. Jáchi̱ na̱ cán sáhan na ña̱ha nu̱ú na̱ nda̱hví ini veñu̱hu xi̱hín nu̱ tácá ña̱yivi íchi̱ já ná cuu cuni táhyí tócó ndihi ña̱yivi ña̱ va̱ha cája na. Jáchi̱ na̱ cán cúni̱ na̱ ña̱ ná caja cáhnu ña̱yivi na. Mé a̱ nda̱a̱ cáchí i̱ xi̱hi̱n ndó ña̱ sa̱ ya̱hvi na cúú mé ña̱ cája cáhnu ña̱yivi na.
Jáchi̱ mé a̱ nda̱a̱ ná ca̱ha̱n i̱ xu̱hu̱n. Tá na̱sa̱cuún ta̱a yúta̱ chá já ndícandisún jáhmu̱n ña̱ cúnu̱n ta já cua̱hún ndá nu̱ cúni̱ mún cu̱hu̱n. Joo tá ná cayatún já jáca̱ún ndáhu̱n ta inga na jácandixi yo̱hó jáhmu̱n. Ta já tiin ndaa na yo̱hó cu̱hún xi̱hi̱n ná nu̱ú co̱ cúni̱ mún cu̱hu̱n —na̱cachi a.
Já na̱cachi Jesús já xi̱hi̱n ná: —Mé a̱ nda̱a̱ ná ca̱ha̱n i̱ xi̱hi̱n ndo̱. A̱ ju̱ú toho Moisés cúú da̱ na̱sa̱ha̱n pan ña̱ na̱quixi indiví nu̱ ná. Jáchi̱ Ndióxi̱, tátá i̱ cúú ndusa ña̱ na̱sa̱ha̱n pan na̱quixi indiví nu̱ ná. Ta viti cúni̱ Ndióxi̱ quia̱hva in ña̱ha va̱ha chága̱ nu̱ ndo̱ a̱ ju̱ú ga̱ ña̱ na̱sa̱ha̱n Moisés nu̱ú na̱ cán sa̱nahá.
Ca̱ca̱ Ndióxi̱ cuéntá nu̱ú ña̱yivi ndúu tiempo viti sa̱há na̱ profeta ndi̱i na̱xi̱hi̱ sa̱nahá. Ca̱ca̱ mé á cuéntá sa̱há Abel, da̱ na̱xi̱hi̱ na̱caja Caín cán. Ta ca̱ca̱ mé á cuéntá sa̱há ndijáá na̱ profeta na̱xi̱hi̱ tiempo na̱quixi cán ja̱nda̱ quia̱hva na̱xi̱nu̱ co̱o a nu̱ú ca̱ca̱ cuéntá sa̱há ndi̱i Zacarías. Mé da̱ yóho na̱sahní na̱ da̱ ini veñu̱hu sa̱nahá tañu nu̱ náa̱ xi̱hín nu̱ú yi̱i̱ ndiva̱ha. Ña̱ cán quéa̱ cáha̱n i̱ xi̱hi̱n ndó ña̱ ca̱ca̱ Ndióxi̱ cuéntá sa̱ha̱ tócó ndihi ndi̱i ja̱n nu̱ú ña̱yivi ndúu tiempo viti.
Ta ndá ñuu co̱ cúni̱ na̱ ndiquehe va̱ha na ndo̱hó ta ni co̱ cúni̱ na̱ taa jo̱ho na nu̱ cáha̱n ndo̱ já quéa̱ cuáhán queta ndó cu̱hu̱n ndo̱ ta catí ndó ña̱ yácá sa̱ha̱ ndo̱ já ná na̱ha̱ ña̱ cua̱ha̱n cua̱chi na̱ cán ja̱ta̱ mé va na. Mé a̱ nda̱a̱ ná ca̱ha̱n i̱ xi̱hi̱n ndo̱ ña̱ tá ná xi̱nu̱ qui̱vi̱ caja vií Ndióxi̱ sa̱há ña̱yivi ndúu ñuyíví já quéa̱ jándoho chága̱ Ndióxi̱ ini ña̱yivi ñuu ja̱n sa̱há ña̱ co̱ó na̱ndiquehe na ndo̱hó a̱ ju̱ú ga̱ tá quia̱hva na̱jándoho a ini na̱ ñuu Sodoma xi̱hi̱n Gomorra sa̱nahá —na̱cachi Jesús xi̱hi̱n ná.
Ta viti cachi ndó xi̱hín i̱ ndá da̱ cúú da̱ na̱caja ña̱ cúni̱ tátá da̱ —na̱cachi Jesús. Já na̱cachi na̱ cán: —Da̱ nu̱ cuítí. A̱nda̱ já na̱cachi tucu Jesús já: —Mé a̱ nda̱a̱ ná ca̱ha̱n i̱ xi̱hi̱n ndo̱ ña̱ íin chága̱ sa̱há na̱ játaca jiu̱hún cuéntá impuesto xi̱hín na̱ji̱hí xíca ji̱i̱ ña̱ ná cacomí Ndióxi̱ cuéntá sa̱ha̱ ná a̱ ju̱ú ga̱ ndo̱hó.
Ta na̱nducú ñehe Jesús tu̱hun nu̱ ná já na̱cachi a já: —Mé a̱ nda̱a̱ ná ca̱ha̱n i̱ xi̱hi̱n ndo̱ ña̱ tá ná candeé ini ndó ye̱he̱ ta ni loho co̱ cáhvi i̱vi̱ joho ini ndó já quéa̱ cuu caja ndó ña̱ náhnu chága̱ nu̱ú ña̱ na̱caja i̱ yóho. Ta ja̱nda̱ cuu cachi ndó xi̱hín in yúcu̱: “Caxoo ta cuáhán jáque̱tún mún ini tañu̱hú”, ta chí já ndusa coo.
A̱nda̱ já na̱cachi Jesús já xi̱hi̱n dá: —Mé a̱ nda̱a̱ ná cachi i̱ xi̱hi̱n ndo̱. Tá ná tandaa qui̱vi̱ nduu sa̱á tócó ndihi ña̱ha já caco̱o ye̱he̱, da̱ na̱chindahá Ndióxi̱ nduu ña̱yivi nu̱ú ndicáhnu ndiva̱ha i̱. Ta cán caco̱o ri ndóhó, na̱ na̱xi̱ca tuun xi̱hín i̱ nu̱ú u̱xu̱ i̱vi̱ táyi̱ va̱ha. Ta cán caja vií ndó sa̱há ndíhu̱xu̱ i̱vi̱ táhndá na̱ na̱quixi chi̱chi Israel.
Cande̱hé ndo̱ ná ca̱ha̱n i̱ xi̱hi̱n ndo̱. Tañu tócó ndihi ña̱yivi co̱ó ga̱ inga profeta cáhnu chága̱ a̱ ju̱ú ga̱ Juan, mé da̱ jácandúta̱ ña̱yivi. Joo ndá na̱ sa̱ na̱ndiquia̱hva mé ndáha̱ Ndióxi̱ ña̱ ná cacomí a̱ cuéntá sa̱ha̱ ná, va̱tí cúú ná na̱ co̱ó sa̱ha̱, na̱ cán cúú na̱ cáhnu chága̱ a̱ ju̱ú ga̱ Juan.
ကြော်ငြာတွေ