San Mateo 4:7 - Mixtec Silacayoapan

⁷ Ta já na̱nducú nehe Jesús tu̱hun nu̱ rí já na̱cachi a já xi̱hi̱n rí: —Cáchí tucu tu̱hun Ndióxi̱ já: “A̱ cóto ndojó tohún Ndióxi̱, xitohún” —na̱cachi Jesús xi̱hi̱n ri̱.

San Mateo 4:7 ပူးပေါင်းရင်းမြစ်များ

San Mateo 21:16

ta já na̱cachi na já xi̱hín Jesús: —Á xíni̱ jo̱hún ña̱ cáha̱n na̱ va̱lí yóho —na̱cachi na xi̱hín Jesús. Já na̱cachi Jesús já: —A̱ja̱n, xíni̱ jo̱ho i̱ ña̱ cája cáhnu na Ndióxi̱. Á co̱ó na̱cahvi ndó tu̱hun Ndióxi̱ nu̱ cáchí a̱ já: Ja̱nda̱ na̱ va̱lí ta ja̱nda̱ na̱ chíchí na̱caja Ndióxi̱ xi̱hi̱n ná, ña̱ ná cuu caja cáhnu na mé á, cáchí tu̱hun Ndióxi̱ —na̱cachi Jesús xi̱hín na̱ cán.

San Mateo 21:42

Já na̱cachi Jesús já xi̱hín na̱ cán: —Á a̱ ñáha cahvi ndó tu̱hun Ndióxi̱ nu̱ cáchí a̱: Mé yu̱u̱ ña̱ na̱jácana da̱ cáva̱ha vehe, ña̱ cán cúú ña̱ na̱nduu yu̱u̱ ndúhu̱ sa̱há vehe ña̱ íin chága̱ sa̱ha̱. Ña̱ yóho quéa̱ na̱caja Ndióxi̱, ta cúú á in ña̱ha cáhnu ndiva̱ha nu̱ yo̱, cáchí tu̱hun Ndióxi̱.

San Mateo 4:10

A̱nda̱ já na̱cachi Jesús já xi̱hi̱n rí: —Satanás, cuáhán caxoo jáchi̱ já cáchí tu̱hun Ndióxi̱: “In túhún Ndióxi̱, xitohún ndítahan caja cáhnún ta in túhún mé á ndítahan caja ndívún nu̱u̱n” —na̱cachi Jesús xi̱hi̱n rí cán.

San Mateo 4:4

A̱nda̱ já na̱cachi Jesús já xi̱hi̱n rí: —Já cáchí tu̱hun Ndióxi̱: “A̱ ju̱ú pan cuití cuxu ña̱yivi já catacu na, va̱ha. Xíní ñúhú ri a caja na ña̱ sáhndá tu̱hun Ndióxi̱ nu̱ ná já quéa̱ cuu catacu na nu̱ Ndióxi̱” —na̱cachi Jesús xi̱hi̱n rí.

San Lucas 4:12

A̱nda̱ já na̱nducú ñehe Jesús tu̱hun nu̱ ri̱ já cáchí a̱ já: —Íin inga tucu nu̱ú na̱ca̱hyi̱ tu̱hun Ndióxi̱ ta cáchí a̱ já: “A̱ cóto ndojó tohún Ndióxi̱, xitohún” —na̱cachi Jesús xi̱hi̱n rí cán.

Hechos 15:10

Ta viti cúú á tátu̱hun na̱ndindójó ndó ña̱ na̱caja Ndióxi̱ tá na̱chindahá Jesucristo quivi a sa̱há cua̱chí. Ta viti cúni̱ ndó caja ndúsa̱ ndó xi̱hín na̱ tóho̱ yóho ña̱ ná cacu va̱ha na ley Moisés. Ta sa̱ cánda̱a̱ ini ndó ña̱ ni mí ta ni tásáhnu jícó yo̱ a̱ cu̱ú caja í cacu va̱ha í ley cán.

Hechos 5:9

A̱nda̱ já na̱cachi Pedro já xi̱hi̱n ña̱: —Mé ndó na̱jándique táhan ndó tu̱hun ndó coto ndojó ndo̱ ínima̱ yi̱i̱ Ndióxi̱. Cande̱hé. Ja̱ta̱ vehe ja̱n va̱xi na̱ na̱sa̱ha̱n na̱jándu̱xu̱ yíu̱n. Ta viti cañehe ri na yo̱hó va cu̱hu̱n na̱ jándu̱xu̱ na̱ —na̱cachi Pedro xi̱hi̱n ña̱.

1 Corintios 10:9

Ta co̱ ndítahan nu̱ yo̱ coto ndojó yo̱ Jesucristo, xitoho í ña̱ ná cande̱hé yo̱ á mé a̱ nda̱a̱ jándoho a iní sa̱há cua̱chi cája í. Jáchi̱ quia̱hva já na̱caja java na̱ cán va ta sa̱há ña̱ cán na̱xi̱hi̱ na̱ na̱caja cua̱há co̱o.

Hebreos 3:9

Ta já cáchí Ndióxi̱ já: “Mé yucú íchí ja̱n na̱xito ndojó tásáhnu jícó ndó ye̱he̱, va̱tí na̱xini na ña̱ náhnu ndiva̱ha na̱caja i̱ ti̱xi i̱vi̱ jíco cui̱a̱.