San Mateo 3:3 - Mixtec Silacayoapan

³ Mé Juan yóho cúú dá da̱ na̱ca̱ha̱n profeta Isaías sa̱ha̱ tá na̱ca̱hyí da̱ já: Va̱xi qui̱vi̱ tá ca̱ha̱n cóhó in da tañu yucú íchí ta cachi da já xi̱hín ña̱yivi: “Caja tia̱hva ndó íchi̱ nu̱ú quixi xitoho í, ta cuná ndó in íchi̱ nda̱cú nu̱ mé á ña̱ ná ndi̱hvi a ínima̱ ndo̱”, cáchí tu̱hun Ndióxi̱.

San Mateo 3:3 ပူးပေါင်းရင်းမြစ်များ

San Marcos 1:3

Ta ca̱ha̱n cóhó da̱ tañu yucú íchí ta cachi da já xi̱hín ña̱yivi: “Caja tia̱hva ndó íchi̱ nu̱ú quixi xitoho í ta cuná ndó in íchi̱ nda̱cú nu̱ mé á ña̱ ná ndi̱hvi a ínima̱ ndo̱”, na̱ca̱hyí Isaías.

San Lucas 1:17

Ta jihna ñúhú mé Juan cu̱hu̱n da̱ caja tia̱hva da ña̱yivi ja̱nda̱ ná quixi mé á chindahá Ndióxi̱. Tá quia̱hva na̱ndicutú nda̱a̱ ínima̱ profeta Elías xi̱hi̱n ínima̱ yi̱i̱ Ndióxi̱ quia̱hva já ndicutú nda̱a̱ ínima̱ Juan xi̱hi̱n á já ná coo ndée̱ dá caja da ña̱ha tátu̱hun na̱caja Elías. Ta caja mé Juan ña̱ ná ndique táhan máni̱ ña̱yivi xi̱hín ja̱hyi na. Ta caja da ña̱ ná coo jo̱ho ña̱yivi sáá ini já ná caja na ña̱ cúni̱ Ndióxi̱. Quia̱hva já caja da cacu tia̱hva da ña̱yivi ja̱nda̱ quia̱hva ná xi̱nu̱ qui̱ví quixi da̱ na̱sa̱ha̱n Ndióxi̱ tu̱hun a chindahá a̱ —na̱cachi táto̱ Ndióxi̱ cán xi̱hi̱n Zacarías.

San Lucas 1:76

A̱nda̱ já na̱casáhá da̱ cáha̱n da̱ xi̱hín ña̱ loho ja̱hyi da já cáchí da̱ já xi̱hi̱n á: Ta yóhó, ja̱hyi a, cachi ña̱yivi sa̱hu̱n ña̱ cúún in profeta Ndióxi̱, mé a̱ cúú cáhnu nu̱ ndíhi a. Ta jihna ñúhú cu̱hún jáca̱hún ña̱yivi ña̱ ná cacu tia̱hva na ínima̱ ná ndiquehe na mé a̱ chindahá Ndióxi̱ va̱xi.

San Juan 1:23

A̱nda̱ já na̱cachi Juan já xi̱hi̱n ná: —Ye̱he̱ cúú da̱ xíca nuu tañu yucú íchí ta cáyuhú cóhó i̱ já cáchí i̱ já xi̱hín ña̱yivi: “Cuná ndó in íchi̱ nda̱cú nu̱ mé á ña̱ ná ndi̱hvi a ínima̱ ndo̱” —na̱cachi Juan xi̱hi̱n ná tá quia̱hva na̱ca̱hyí profeta Isaías sa̱nahá.