San Mateo 13:3 - Mixtec Silacayoapan

³ A̱nda̱ já na̱casáhá jána̱ha̱ cua̱há ña̱ha nu̱ ná ta na̱sacu a quia̱hva nu̱ ná já na̱cachi a já xi̱hi̱n ná: —In da̱ sátá tata na̱quee da cua̱ha̱n da̱ cata da ña̱.

San Mateo 13:3 ပူးပေါင်းရင်းမြစ်များ

San Mateo 13:4

Ta tá sátá da̱ ña̱ cua̱ha̱n da̱ já na̱cu̱yu java ña̱ íchi̱ ta cán na̱xi̱nu̱ laa ta na̱saxí rí ña̱.

San Mateo 13:53

Tá na̱ndihi na̱jána̱ha̱ Jesús xi̱hín quia̱hva yóho já na̱quee a cuanúhu̱ a̱.

San Mateo 22:1

Tá na̱ndihi já na̱casáhá tucu Jesús jána̱ha̱ ña̱yivi xi̱hín ndinuhu quia̱hva. Já cáchí a̱ já xi̱hi̱n ná:

San Mateo 24:32

ʼJácuaha ndó ña̱ cúni̱ cachi mé quia̱hva sácú u̱ nu̱ ndó sa̱há yíto̱ ti̱tó ñu̱hú. Jáchi̱ tá yúta̱ ndáha̱ dó cán ta já va̱xi núma̱ válí do̱ já canda̱a̱ ini ndó ña̱ sa̱ na̱cayati tiempo ihní.

San Marcos 12:1

A̱nda̱ já na̱casáhá Jesús sácú a̱ quia̱hva nu̱ú ña̱yivi já na̱cachi a já xi̱hi̱n ná: —Na̱sahi̱in in da̱ta̱a na̱jánde̱e cua̱ha̱ dá tó uva nu̱ ñúhu̱ dá ta já na̱sacu da in corra yíto̱ nu̱ do̱. Ta na̱cava̱ha da in nu̱ú cu̱hni̱ mé uva cán ña̱ cava̱ha vino. Ta na̱cava̱ha da in nu̱ jícó canúu da já cuu candaa da tócó ndihi dó cán. ʼTá na̱ndihi já na̱sa̱ha̱n ndojó da̱ ñúhu̱ dá nu̱ú java na caja chúun na ña̱ já na̱quee da cua̱ha̱n xícá da̱.

San Marcos 12:12

A̱nda̱ já na̱casáhá ndúcú na̱ sa̱cua̱ha̱ tiin na Jesús chica̱a̱n na a̱ veca̱a jáchi̱ na̱canda̱a̱ ini na ña̱ sa̱ha̱ mé ná na̱sacu a quia̱hva yóho. Joo sa̱há ña̱ yíhví na̱ ña̱yivi na̱jándacoo na a̱ ta na̱quee na cua̱ha̱n na̱.

San Marcos 3:23

A̱nda̱ já na̱cana Jesús ña̱yivi já na̱sacu a in quia̱hva nu̱ ná ja cáchí a̱ já xi̱hi̱n ná: —A̱ cu̱ú tavá tiñáhá sa̱cua̱ha̱ mé rí.

San Marcos 4:13

Ta já cáchí tucu a já xi̱hín na̱ xíca tuun xi̱hi̱n á: —Ta tá co̱ cánda̱a̱ ini ndó quia̱hva, ña̱ na̱sacu u̱ yóho ndaja caja ndó canda̱a̱ ini ndó java ga̱ quia̱hva ña̱ cachi i̱ xi̱hi̱n ndo̱.

San Marcos 4:33

Na̱jána̱ha̱ Jesús tu̱hun Ndióxi̱ nu̱ ná. Ta na̱sacu cua̱há quia̱hva nu̱ ná tátu̱hun ña̱ yóho ja̱nda̱ quia̱hva xínu̱ nu̱ mé ná cánda̱a̱ ini na.

San Lucas 12:41

A̱nda̱ já na̱nda̱ca̱ tu̱hún Pedro Jesús já na̱cachi da já xi̱hi̱n á: —Á nu̱ú nde̱he̱ cuití na̱sacu ndó quia̱hva yóho á na̱sacu ndó ña̱ nu̱ú ndaja táhan ña̱yivi ndúu yóho.

San Lucas 8:10

Ta na̱nducú ñehe Jesús tu̱hun nu̱ ná já na̱cachi a já xi̱hi̱n ná: —Ña̱ co̱ó na̱canda̱a̱ ini ndó jihna, ña̱ cán cánda̱a̱ ini ndó viti jáchi̱ na̱suná Ndióxi̱ xíní túni̱ ndó canda̱a̱ ini ndó ndá quia̱hva cacomí mé á cuéntá sa̱há ña̱yivi. Joo sácú u̱ quia̱hva nu̱ú java ga̱ ña̱yivi já quéa̱ va̱tí sánde̱hé na̱ joo cúú ná tátu̱hun na̱ co̱ tívi nu̱u̱. Ta va̱tí xíni̱ jo̱ho na, cúú ná tátu̱hun na̱ jóho̱ jáchi̱ co̱ cánda̱a̱ ini na ña̱ cáha̱n i̱ xi̱hi̱n ná —na̱cachi Jesús xi̱hín na̱ xíca tuun xi̱hi̱n á cán.

San Juan 16:25

ʼXi̱hín quia̱hva cuití na̱ca̱ha̱n i̱ ña̱ yóho xi̱hi̱n ndo̱. Joo tandaa qui̱vi̱ ta a̱ cáha̱n ga̱ i̱ xi̱hín quia̱hva nu̱ ndo̱. Ña̱ caja i̱ quéa̱ cáxí táhyí ca̱ha̱n i̱ sa̱ha̱ Ndióxi̱, tátá i̱ nu̱ ndo̱.