San Marcos 8:32 - Mixtec Silacayoapan

³² Cáxí ndiva̱ha na̱ca̱ha̱n Jesús ña̱ yóho xi̱hi̱n ná ta chí a̱nda̱ já na̱tavá xóo Pedro Jesús já na̱casáhá jána̱ni da a̱ sa̱há ña̱ na̱cachi a xi̱hi̱n ná.

San Marcos 8:32 ပူးပေါင်းရင်းမြစ်များ

San Mateo 16:22

A̱nda̱ já na̱tavá xóo Pedro Jesús já na̱casáhá da̱ jána̱ni ñahá da̱ já na̱cachi da já xi̱hi̱n á: —Ama ná ya̱ha ña̱ yóho xi̱hi̱n ndó, xitoho i̱. Ná a̱ quiáhva toho Ndióxi̱ ña̱ma̱ni̱ ndoho ndó já —na̱cachi Pedro xi̱hín Jesús.

San Marcos 4:38

Ta chí xoo ja̱ta̱ mé barco cán cándúhu̱ Jesús quíji̱ a̱ ta cánúu ji̱ni̱ á ja̱tá ña̱ yíhi ji̱ni̱ ná. Já na̱jándacáxí ini na mé á ta cáchí na̱ já xi̱hi̱n á: —Maestro. Chí co̱ sáhní a̱ mé á ña̱ cúni̱ ndihi sa̱ha̱ yo̱ jáchi̱ sáco̱o barco ca̱há ticui̱í cua̱ha̱n do̱ —na̱cachi na.

San Lucas 10:40

Joo ndaja coo a̱ ju̱ú quia̱hva ndíhi ini mé Marta cája ndíví ñá ña̱ha cuxu na ndáca̱a̱n ña̱. A̱nda̱ já na̱cayati ñá nu̱ Jesús já na̱cachi ñá já xi̱hi̱n á: —Cande̱hé ndo̱, xitoho i̱. Á co̱ sánde̱hé toho ndó ña̱ in túhún mí i̱ cája ndíví i̱ ña̱ha ta ñá cúú qui̱hví i̱ ja̱n co̱ chíndeé loho ñá ye̱he̱. Ca̱ha̱n loho ndó xi̱hi̱n ña̱ ná chindeé ñá ye̱he̱ —na̱cachi Marta cán xi̱hi̱n Jesús.

San Juan 10:24

Já na̱ca̱va̱ ti̱yi̱vi̱ na̱ Israel cán mé á já na̱casáhá ndáca̱ tu̱hún na̱ mé á já na̱cachi na já xi̱hi̱n á: —Ndaja cáa chí qui̱ví ca̱xi tu̱hun nda̱u̱n xi̱hín nde̱ ña̱ á jivi ndusa cúún Cristo, da̱ chindahá Ndióxi̱ cacomí cuéntá sa̱há ña̱yivi. Jáchi̱ in i̱vi̱ joho cáhu̱n xíní nde̱ ta co̱ cánda̱a̱ va̱ha ini nde̱ á jivún á a̱ ju̱ú tohún —na̱cachi na̱ cán.

San Juan 11:14

A̱nda̱ já na̱ca̱ha̱n cáxí táhyí tucu Jesús xi̱hi̱n ná já na̱cachi a já: —Na̱xi̱hi̱ va Lázaro.

San Juan 16:25

ʼXi̱hín quia̱hva cuití na̱ca̱ha̱n i̱ ña̱ yóho xi̱hi̱n ndo̱. Joo tandaa qui̱vi̱ ta a̱ cáha̱n ga̱ i̱ xi̱hín quia̱hva nu̱ ndo̱. Ña̱ caja i̱ quéa̱ cáxí táhyí ca̱ha̱n i̱ sa̱ha̱ Ndióxi̱, tátá i̱ nu̱ ndo̱.

San Juan 16:29

A̱nda̱ já na̱cachi na̱ xíca tuun xi̱hi̱n á cán já: —Viti ndusa quéa̱ cáha̱n cáxí táhyí ndo̱ xi̱hín nde̱ ta co̱ sácú ga̱ ndó quia̱hva nu̱ú nde̱.

San Juan 18:20

A̱nda̱ já na̱cachi Jesús já xi̱hi̱n dá: —Co̱ó na̱ca̱ha̱n je̱hé toho i̱ xi̱hín ña̱yivi tá na̱jána̱ha̱ i̱ nu̱ ná. Níí tiempo na̱jána̱ha̱ i̱ tu̱hun Ndióxi̱ nu̱ ná ini veñu̱hu ta quia̱hva já na̱jána̱ha̱ i̱ nu̱ ná nu̱ tácá na̱ ini veñu̱hu cáhnu ñuu Jerusalén. Ta ni in túhún toho ña̱ha co̱ó na̱jána̱ha̱ je̱hé e̱ nu̱ ná.