San Marcos 7:6 - Mixtec Silacayoapan

⁶ Já na̱cachi Jesús já xi̱hi̱n ná: —Mé a̱ nda̱a̱ na̱ca̱ha̱n profeta Isaías sa̱ha̱ ndo̱ jáchi̱ co̱ cúú ndó tá quia̱hva ndáa ndó. Já na̱ca̱hyí da̱ já: Yuhú ni̱nu uun na cája cáhnu na ye̱he̱. Ta co̱ cája cáhnu na ye̱he̱ xi̱hín ndinuhu ínima̱ ná.

San Marcos 7:6 ပူးပေါင်းရင်းမြစ်များ

San Juan 15:24

Na̱caja i̱ ña̱ náhnu nu̱ ná joo co̱ó na̱candúsa na ye̱he̱ sa̱há ña̱ cán quéa̱ ndójo na cua̱chi. Ta ni in túhún toho ña̱yivi co̱ó na̱caja ña̱ náhnu tá quia̱hva na̱caja i̱ nu̱ ná. Va̱tí na̱xini na ña̱ náhnu na̱caja i̱ joo cándají na̱ ye̱he̱ ta cándají na̱ Ndióxi̱, tátá i̱.

San Juan 5:42

Sa̱ xíni̱ va̱ha i̱ ínima̱ ndo̱ ta cánda̱a̱ ini i̱ ña̱ co̱ quíhvi̱ ini ndó Ndióxi̱.

Hechos 28:25

Ta sa̱há ña̱ co̱ó na̱cuu ndique táhan va̱ha tu̱hun na̱ Israel cán sa̱há ña̱ jána̱ha̱ Pablo sa̱há ña̱ cán quéa̱ na̱casáhá na̱ quée na cua̱ha̱n na̱. Tá na̱xini Pablo ña̱ yóho já na̱casáhá cáchí da̱ já xi̱hi̱n ná: —Mé a̱ nda̱a̱ na̱ca̱ha̱n ínima̱ yi̱i̱ Ndióxi̱ nu̱ú tásáhnu jícó yo̱ tá na̱ca̱hyí Isaías já:

2 Timoteo 3:5

Ta caja na tá quia̱hva cája na̱ cúú cuéntá Ndióxi̱ joo chije̱hé tu̱hun na sa̱ha̱ Ndióxi̱, mé á sáhan ndée̱ nu̱ ná caja na ña̱ cúni̱ mé á. Caxoún nu̱ú ndihi na cája cua̱chi yóho.

Tito 1:16

Va̱tí cáchí na̱ yóho ña̱ cándeé ini na Ndióxi̱ joo xi̱hín ña̱ núu cája na náha̱ ña̱ mé a̱ nda̱a̱ co̱ cándeé ini na mé á. Sáá ndiva̱ha ini na ta a̱ xe̱én toho na caja na ña̱ nda̱a̱ sa̱há ña̱ cán quéa̱ ni in ña̱ha va̱ha a̱ cu̱ú caja na.