San Marcos 7:34 - Mixtec Silacayoapan

³⁴ Tá na̱ndihi na̱sande̱hé a̱ indiví já ndísa̱a̱ ndísa̱a̱ ínima̱ á já na̱cachi a já xi̱hi̱n dá: —Efata —na̱cachi a ta ña̱ yóho cúni̱ cachi: Ná ndinu̱na̱.

San Marcos 7:34 ပူးပေါင်းရင်းမြစ်များ

San Marcos 1:41

Ta na̱ta̱hvi̱ ini Jesús sa̱ha̱ dá. A̱nda̱ já na̱cani ndaa ndáha̱ á da̱. Já cáchí a̱ já: —Cúni̱ ña̱ ná ndiva̱hún ña̱ cán quéa̱ na̱ndiva̱hún viti —na̱cachi Jesús xi̱hi̱n dá.

San Marcos 15:34

Ta sa̱ mé hora já na̱cayuhú cóhó Jesús já cáchí a̱ já: —Eloi, Eloi, lama sabactani —na̱cachi a. Tu̱hun yóho cúni̱ cáchí a̱: Ndióxi̱ mí i̱, Ndióxi̱ mí i̱, ndáva̱ha na̱jándacoo ndáha̱ ndó ye̱he̱.

San Marcos 5:41

Já na̱tiin a ndáha̱ ña̱ ta na̱casáhá cáchí a̱ já xi̱hi̱n ña̱: —Talita, cumi —na̱cachi a. Mé tu̱hun yóho cúni̱ cachi a: Ñáloho cáha̱n i̱ xu̱hu̱n cuándaco̱o.

San Marcos 6:41

A̱nda̱ já na̱tiin Jesús ndíhu̱hu̱n pan xi̱hi̱n ndíví ti̱yacá ta sánde̱hé a̱ indiví já na̱ndiquia̱hva ndixa̱hvi nu̱ Ndióxi̱. Ta na̱sahnda java pan já na̱sa̱ha̱n ña̱ nu̱ú na̱ xíca tuun xi̱hi̱n á já ná ndicahnda na ña̱ nu̱ú ña̱yivi. Tá quia̱hva já na̱sahnda ti̱yacá já na̱ndita̱hnda̱ rí nu̱ tócó ndihi ña̱yivi cán.

San Marcos 7:35

I̱vi̱ la̱á na̱ndinu̱na̱ jo̱ho mé da̱ jóho̱ cán ta na̱ndiva̱ha yáa̱ dá já na̱casáhá cáha̱n va̱ha da.

San Marcos 8:12

Ndísa̱a̱ ndísa̱a̱ ini Jesús jáchi̱ ndíhi ini a xi̱hi̱n ná já cáchí a̱ já: —Ndá sa̱ha̱ quéa̱ xíca̱ na̱ yóho ña̱ ná caja i̱ in ña̱ xitúhún. Mé a̱ nda̱a̱ ná ca̱ha̱n i̱ xi̱hi̱n ndó ña̱ a̱ cája i̱ ña̱ha xitúhún nu̱ú na̱ yóho —na̱cachi a.

San Lucas 18:42

Tá na̱ndihi já na̱cachi Jesús já xi̱hi̱n dá: —Cande̱hé viti. Na̱ndiva̱hún jáchi̱ cándeé inún ye̱he̱ —na̱cachi Jesús xi̱hi̱n dá.

San Lucas 19:41

Tá na̱cayati chága̱ Jesús ñuu Jerusalén cán ta tá na̱xini a ñuu cán já na̱casáhá táhvi̱ ini a sácu a sa̱há.

San Lucas 7:14

A̱nda̱ já na̱cayati Jesús nu̱ú sa̱tó ndi̱i cán já na̱cani ndaa ndáha̱ á do̱. A̱nda̱ já na̱sa̱cui̱ta na̱ ndójo sa̱tó ndi̱i cán. Ta na̱ca̱ha̱n Jesús xi̱hín da̱ cúú ndi̱i cán já na̱cachi a já xi̱hi̱n dá: —Ye̱he̱ cáha̱n i̱ xu̱hu̱n, da̱ tacú, cuándaco̱o —na̱cachi Jesús xi̱hi̱n dá.

San Juan 11:33

Ta tá na̱xini Jesús ña̱ sácu cóhó María xi̱hín na̱ Israel, na̱ ndíco̱ na̱sa̱a̱ xi̱hi̱n ñá cán já na̱ta̱hvi̱ ndiva̱ha ini a ja̱nda̱ quia̱hva na̱ndisa̱a̱ ini a.

San Juan 11:35

A̱nda̱ já na̱sacu Jesús.

San Juan 11:38

Tá na̱ndihi já na̱casáhá táhvi̱ ndiva̱ha tucu ini Jesús ta já na̱cayati a nu̱ú na̱chica̱a̱n na̱ yiquí cu̱ñu Lázaro. Mé nu̱ú ndáca̱a̱n da̱ cán na̱sa̱cuu a in ndi̱ca cáva̱ ta in yu̱u̱ jáhndá cáhnu na̱saji nuu yéhé cán.

San Juan 11:41

Tá na̱ndihi já na̱jácaxoo na yu̱u̱ cáhnu ña̱ na̱saji nuu nu̱ú na̱sa̱ndaca̱a̱n Lázaro. Já na̱ndiñehe Jesús nu̱u̱ á chí indiví já na̱cachi a já: —Tátá Ndióxi̱, ndíquia̱hva i̱ ndixa̱hvi nu̱ ndo̱ jáchi̱ na̱xini jo̱ho ndó nu̱ú na̱ca̱ha̱n i̱ xi̱hi̱n ndo̱.

San Juan 11:43

Tá na̱ndihi já na̱cayuhú cóhó a̱ já na̱cachi a já: —Lázaro, cuáhán queta.

San Juan 17:1

Tá na̱ndihi na̱cachi Jesús tócó ndihi ña̱ yóho xi̱hín na̱ xíca tuun xi̱hi̱n á cán já na̱ndiñehe a nu̱u̱ á chí indiví já na̱cachi a já: —Tátá Ndióxi̱, sa̱ na̱xi̱nu̱ co̱o qui̱ví quivi i̱. Caja ndó ña̱ ndicáhnu ndiva̱ha mí i̱, da̱ cúú in túhún ji̱ní já ja̱hyi mé ndó já ná cuu caja cáhnu ri ye̱he̱ va ndo̱hó.

Hechos 9:34

A̱nda̱ já na̱ca̱ha̱n Pedro xi̱hi̱n dá já na̱cachi da já: —Eneas, viti ndája va̱ha Jesucristo yo̱hó. Cuáhán ndaco̱o. Nditivún yívu̱n —cáchí Pedro xi̱hi̱n dá. Chí i̱vi̱ la̱á na̱ndaco̱o Eneas.

Hechos 9:40

A̱nda̱ já na̱cachi Pedro xi̱hín ndihi ña̱yivi ndúu cán ña̱ ná quee tóo na ja̱ta̱ véhe. Tá sa̱ na̱queta na̱ cán já na̱caxítí da̱ xíca̱ ta̱hví da̱ nu̱ Ndióxi̱. A̱nda̱ já na̱casáhá sánde̱hé da̱ ndi̱i cán já na̱casáhá cáchí da̱ já xi̱hi̱n ña̱: —Cuáhán ndaco̱o, Tabita. Tá na̱cachi da já chí i̱vi̱ la̱á na̱nu̱na̱ nduchú núú ña̱ na̱nditacu ñá. Tá na̱xini ñá Pedro já na̱saco̱o ñá.

Hebreos 4:15

Ta cándáhví ini Jesús mí jáchi̱ cúú á ju̱tu̱ sa̱cua̱ha̱ nu̱ yo̱ ta cánda̱a̱ ini a ña̱ cúú yó ña̱yivi vitá ndiva̱ha ini. Jáchi̱ tá na̱xi̱ca nuu a ñuyíví yóho na̱xito ndojó tiñáhá sa̱cua̱ha̱ mé á xi̱hi̱n tá nu̱ú ña̱ha tá quia̱hva cája rí xi̱hi̱n mí joo ni in túhún cua̱chi co̱ó na̱caja mé á.