San Marcos 7:32 - Mixtec Silacayoapan

³² Cán ñéhe na in da̱ta̱a na̱casa̱a̱ na̱ nu̱ Jesús. Cúú dá da̱ jóho̱ ta cúú dá da̱ níhi̱. Ta na̱xi̱ca̱ na̱ nu̱ á ña̱ ná chinúu a ndáha̱ á ji̱ni̱ dá já ná ndiva̱ha da.

San Marcos 7:32 ပူးပေါင်းရင်းမြစ်များ

San Marcos 5:23

Ta ndáhví mé na̱xi̱ca̱ ta̱hví da̱ nu̱ á já cáchí da̱ já: —Xíhi̱ ja̱hyí i̱ viti ñúhú. Caja ndó ña̱ma̱ni̱ ná co̱ho̱ vehe chinúu ndó ndáha̱ ndó ja̱ta̱ ña̱ ná ndiva̱ha ñá já ná catacu ñá —na̱cachi da.

San Marcos 7:35

I̱vi̱ la̱á na̱ndinu̱na̱ jo̱ho mé da̱ jóho̱ cán ta na̱ndiva̱ha yáa̱ dá já na̱casáhá cáha̱n va̱ha da.

San Lucas 11:14

In tañu tává Jesús ínima̱ quini ini in da̱ta̱a, da̱ na̱nduu níhi̱, na̱caja rí quini. Ta tá sa̱ na̱cana mé rí quini ini da̱ cán na̱caja Jesús a̱nda̱ já na̱ndica̱ha̱n tucu da. Ta chí na̱catóntó cua̱há ña̱yivi ndúu cán tá na̱xini na ña̱ yóho.