San Marcos 7:18 - Mixtec Silacayoapan

¹⁸ Ta na̱nducú ñehe a tu̱hun nu̱ ná já na̱cachi a já: —Á co̱ó toho xíní túni̱ ri ndóhó va, va̱ha. Jáchi̱ co̱ cánda̱a̱ ini ndó ña̱ tócó ndihi ña̱ha xíxi ña̱yivi a̱ cu̱ú caja quini a na̱.

San Marcos 7:18 ပူးပေါင်းရင်းမြစ်များ

San Mateo 15:11

A̱ ju̱ú ña̱ha xíxi ña̱yivi ndája quini ínima̱ ná. Tu̱hun quini quéta yúhu̱ ná ña̱ ja̱n quéa̱ cája quini ñahá —na̱cachi Jesús.

San Mateo 16:11

Ndá cuéntá quéa̱ co̱ cánda̱a̱ toho ini ndó ña̱ co̱ó na̱cachi i̱ ña̱ yóho xi̱hi̱n ndó sa̱há ña̱ co̱ó pan ñéhe ndó va̱xi ndó. Joo na̱cachi i̱ ña̱ cuéntá coo ndó xi̱hín na̱ fariseo ta xi̱hín na̱ saduceo jáchi̱ ña̱ jána̱ha̱ na̱ cúú á tátu̱hun yusá na̱xa̱a̱ ña̱ cává táhan na xi̱hín harina cáva̱ha na pan —na̱cachi Jesús.

San Marcos 4:13

Ta já cáchí tucu a já xi̱hín na̱ xíca tuun xi̱hi̱n á: —Ta tá co̱ cánda̱a̱ ini ndó quia̱hva, ña̱ na̱sacu u̱ yóho ndaja caja ndó canda̱a̱ ini ndó java ga̱ quia̱hva ña̱ cachi i̱ xi̱hi̱n ndo̱.

San Marcos 7:17

Tá na̱ndihi na̱ndi̱hvi Jesús ini in vehe ta na̱cando̱o cua̱há ña̱yivi ja̱ta̱ véhe. Já na̱nda̱ca̱ tu̱hún na̱ xíca tuun xi̱hi̱n á ña̱ ndía̱ cúni̱ cachi a xi̱hín tu̱hun na̱ca̱ha̱n xi̱hi̱n ná.

San Marcos 7:19

Jáchi̱ ña̱ xíxi ña̱yivi co̱ xínu̱ a̱ ini ínima̱ ná joo xínu̱ co̱o a ti̱xi na já queta tucu a yiquí cu̱ñu na —na̱cachi Jesús. Xi̱hín tu̱hun yóho na̱cachi Jesús xi̱hi̱n ná ña̱ cuu cuxu na tócó ndihi ña̱ha ña̱ xíxi ña̱yivi jáchi̱ co̱ ndája quini a ínima̱ ná.

San Lucas 24:25

A̱nda̱ já na̱cachi Jesús já xi̱hín na̱ cán: —Ña̱yivi tóntó ndiva̱ha cúú ndó. Jáchi̱ yáncá ndiva̱ha já xínu̱ ini ndó candúsa ndó ña̱ nda̱a̱ ña̱ na̱ca̱ha̱n na̱ profeta sa̱nahá.

San Juan 3:10

A̱nda̱ já na̱cachi Jesús já xi̱hi̱n dá: —Cúú ndó da̱ jána̱ha̱ nu̱ú ña̱yivi Israel ta ndítahan canda̱a̱ ini ndó ña̱ yóho, nduu jáchi̱ cúú ndó maestro cáhnu nu̱ ná.

1 Corintios 3:2

Sa̱há ña̱ cán quéa̱ tá na̱jána̱ha̱ i̱ tu̱hun Ndióxi̱ nu̱ ndo̱, co̱ó na̱cuu jána̱ha̱ i̱ ña̱ i̱hvi̱ chága̱ nu̱ ndo̱ jáchi̱ a̱ cúu canda̱a̱ ini ndó ña̱. Ña̱ na̱caja i̱ xi̱hi̱n ndo̱ quéa̱ na̱sa̱ha̱n i̱ tátu̱hun leche nu̱ ndo̱ jáchi̱ cúú ndó tátu̱hun na̱ va̱lí chíchí sa̱há ña̱ a̱ cu̱ú cuxu ndó ña̱ha ve̱e. Ta ja̱nda̱ viti co̱ íin tia̱hva ndó jácuaha ndó ña̱ i̱hvi̱ chága̱ cuéntá tu̱hun Ndióxi̱.

Hebreos 5:11

Íin cua̱há ndiva̱ha ña̱ha cúni̱ ndicani i̱ nu̱ ndo̱ sa̱há ña̱ yóho joo yáncá ndiva̱ha ndicani i̱ ña̱ nu̱ ndo̱ jáchi̱ co̱ cúni̱ ndo̱ taa jo̱ho ndó nu̱ cáha̱n i̱.