San Marcos 6:16 - Mixtec Silacayoapan

¹⁶ Tá na̱xini jo̱ho Herodes ña̱ yóho já na̱casáhá cáchí da̱ já: —Jivi ndusa da̱ yóho cúú Juan, da̱ na̱jácandúta̱ ña̱yivi, da̱ na̱sahnda i̱ chuun ná chitúhu̱n ná ji̱co̱ dá joo viti na̱nditacu tucu da —na̱cachi da.

San Marcos 6:16 ပူးပေါင်းရင်းမြစ်များ

San Mateo 14:2

A̱nda̱ já na̱cachi da já xi̱hi̱n mozo da̱: —Á a̱ ju̱ú Jesús cúú á Juan, da̱ na̱jácandúta̱ ña̱yivi ta viti na̱nditacu tucu da. Sa̱há ña̱ cán quéa̱ íin ndée̱ da̱ cája da tócó ndihi ña̱ cája da yóho —cáchí Herodes.

San Mateo 27:4

Já na̱cachi da já xi̱hín na̱ cán: —Cua̱chi cáhnu ndiva̱ha quéa̱ na̱caja i̱ jáchi̱ na̱ji̱có túhún i̱ in da̱ co̱ó cua̱chi. Já na̱cachi na̱ cán já xi̱hi̱n dá: —Co̱ sáhní toho nde̱ mé nde̱ sa̱há ña̱ yóho. Mún xíni̱ ndá quéa̱ na̱cajún —na̱cachi na̱ cán xi̱hi̱n dá.

San Marcos 6:15

Ta java na cáchí na̱ já: —Á a̱ ju̱ú da̱ yóho cúú Elías, da̱ na̱sacuu profeta. Ta java na cáchí na̱ já: —Á a̱ ju̱ú da̱ yóho cúú in profeta tátu̱hun na̱ profeta na̱sa̱nduu sa̱nahá ndiva̱ha.

San Marcos 6:17

Jáchi̱ mé Herodes yóho sa̱ na̱sahnda da chuun ña̱ ná tiin na Juan, da̱ na̱jácandúta̱ ña̱yivi ta na̱cató na̱ da̱ já na̱chica̱a̱n na̱ da̱ veca̱a. Na̱caja da ña̱ yóho sa̱há Herodías, ña̱ na̱sa̱cuu ñájíhí Felipe, ñani mé Herodes jáchi̱ sa̱ na̱quehe Herodes ña̱ cacuu ñá ñájíhí mé dá.

San Lucas 9:9

A̱nda̱ já na̱cachi Herodes já xi̱hi̱n ná: —Mí ye̱he̱ cúú da̱ na̱sahnda chuun ña̱ ná chitúhu̱n ná ji̱co̱ da̱ naní Juan cán. Ta co̱ xíni̱ ndá da̱ cúú da̱ naní Jesús yóho. Jáchi̱ mé a̱ nda̱a̱ xíni̱ jo̱ho i̱ ña̱ cája cua̱há ndiva̱ha da ña̱ náhnu —na̱cachi Herodes cán. Ta chí cúni̱ Herodes cuni da Jesús.