San Marcos 5:34 - Mixtec Silacayoapan

³⁴ A̱nda̱ já na̱cachi Jesús já xi̱hi̱n ña̱: —Ja̱hyi a, na̱ndiva̱hún jáchi̱ na̱candúsún ye̱he̱. Cuanúhu̱ ta a̱ ndícani ga̱ inún jáchi̱ na̱ndindaa cue̱hu̱n —na̱cachi Jesús.

San Marcos 5:34 ပူးပေါင်းရင်းမြစ်များ

San Mateo 9:2

Ta cán ñéhe na in da̱ quíhvi̱, da̱ na̱xi̱hi̱ tu̱chu sa̱ha̱ ta cándúhu̱ da̱ nu̱ yívi̱ loho ñéhe na na̱casa̱a̱ na̱ nu̱ á. Ta tá na̱xini Jesús ndá quia̱hva cándeé ini da̱ cán mé á já na̱cachi a já xi̱hín da̱ quíhvi̱ cán: —Cande̱hé, ja̱hyi a. A̱ ndícani toho inún jáchi̱ cája cáhnu ini i̱ sa̱há cua̱chún viti —na̱cachi Jesús xi̱hi̱n dá.

San Mateo 9:22

Joo na̱ndicoto nihni játá Jesús nu̱ ñá ta tá na̱xini a ñá já na̱cachi a já xi̱hi̱n ña̱: —A̱ cáyi̱hví tohún, ja̱hyi a. Na̱ndiva̱hún jáchi̱ na̱candúsún ye̱he̱ —na̱cachi Jesús xi̱hi̱n ñá. Ta chí mé hora já na̱ndiva̱ha ñá.

San Marcos 10:52

Já na̱cachi Jesús já xi̱hi̱n dá: —Cuu nu̱hu̱ vún viti. Sa̱ na̱ndiva̱hún jáchi̱ na̱candeé inún ye̱he̱ —na̱cachi a. Chí i̱vi̱ la̱á na̱nda̱ca̱ nde̱hé da̱ cua̱á cán. Já na̱ndi̱co̱ da̱ Jesús íchi̱ cán cua̱ha̱n da̱.

San Marcos 3:10

Jáchi̱ cua̱há ndiva̱ha ña̱yivi na̱ndaja va̱ha mé á. Sa̱há ña̱ cán quéa̱ tócó ndihi na̱ quíhvi̱ cáti na ja̱tá ña̱ cani ndaa ndáha̱ ná mé á cúni̱ na̱.

San Marcos 5:29

I̱vi̱ la̱á na̱hi̱chi̱ ni̱i̱ ñá. Na̱xini cáxí ña̱ na̱ndiva̱ha ñá ta cua̱ha̱n va cue̱he̱ na̱ndoho ñá.

San Marcos 5:33

Ta mé ñá na̱ndiva̱ha cán tá na̱canda̱a̱ ini ñá ña̱ na̱ya̱ha já na̱casáhá quíji ni̱nu ñá sa̱há ña̱ yíhví ña̱. Já na̱xi̱nu̱ ñá na̱saxítí ña̱ nu̱ Jesús. A̱nda̱ já na̱casáhá ña̱ ndícani ñá nu̱ á ndaja cáa ña̱ na̱caja ñá.

San Lucas 17:19

A̱nda̱ já na̱cachi Jesús já xi̱hín da̱ta̱a cán: —Candichi ta cuáhán. Na̱ndiva̱hún jáchi̱ na̱candúsún ye̱he̱ —na̱cachi Jesús.

San Lucas 18:42

Tá na̱ndihi já na̱cachi Jesús já xi̱hi̱n dá: —Cande̱hé viti. Na̱ndiva̱hún jáchi̱ cándeé inún ye̱he̱ —na̱cachi Jesús xi̱hi̱n dá.

San Lucas 7:50

A̱nda̱ já na̱cachi Jesús já xi̱hi̱n ñáñáha̱ cán: —Na̱ca̱cu ndaa ínimu̱n jáchi̱ na̱candeé inún ye̱he̱. Cuanúhu̱ ta a̱ ndícani ga̱ inún viti —na̱cachi Jesús xi̱hi̱n ña̱.

San Lucas 8:48

A̱nda̱ já na̱cachi Jesús já xi̱hi̱n ña̱: —Ja̱hyi a, na̱ndiva̱hún jáchi̱ na̱candúsún ye̱he̱. Cuanúhu̱. Ta a̱ ndícani ga̱ inún —na̱cachi Jesús xi̱hi̱n ña̱.

Hechos 14:9

Ta íin coo da̱ quíhvi̱ sa̱ha̱ yóho táa jo̱ho da nu̱ cáha̱n Pablo. A̱nda̱ já na̱ndicoto nihni Pablo nu̱ dá ta cánda̱a̱ ini Pablo ña̱ cuu ndiva̱ha da jáchi̱ cándeé ini da̱ quíhvi̱ cán Ndióxi̱.

Hechos 15:33

Na̱sa̱nduu na cán chá qui̱vi̱ ta chí na̱sacu ini Judas xi̱hi̱n Silas ndicó co̱o da ñuu Jerusalén jáchi̱ cán ndúu na̱ na̱chindahá ñahá ñuu Antioquía. Já na̱ndinda̱yí na̱ cúú cuéntá Jesús da̱ ña̱ ná coo va̱ha da tá cu̱hu̱n da̱ íchi̱.

Hechos 16:36

A̱nda̱ já na̱cachi da̱ ndáá veca̱a cán já xi̱hi̱n Pablo: —Na̱sahnda na̱ cúú juéxe̱ chuun nu̱ú i̱ ña̱ ná janí i̱ ndo̱hó cu̱hu̱n ndo̱. Sa̱há ña̱ cán quéa̱ cáxi tu̱hun i̱ xi̱hi̱n ndó cuáhán quee ndó ta ná cu̱hu̱n Ndióxi̱ xi̱hi̱n ndo̱ —na̱cachi da xi̱hi̱n dá.

Santiago 2:16

Ta cáchí ndo̱ xi̱hín na̱ cán já: “Ná coo va̱hún ta ná candixi va̱hún ta ná cuxu va̱hún”, cáchí ndó xi̱hi̱n ná. Joo co̱ sáhan ndó jáhma̱ candixi na ta ni ña̱ cuxu na co̱ sáhan ndó nu̱ ná ña̱ cán quéa̱ co̱ó chuun cúú ña̱ cáha̱n ndo̱ xi̱hi̱n ná.