San Marcos 5:30 - Mixtec Silacayoapan

³⁰ Jári Jesús i̱vi̱ la̱á na̱canda̱a̱ ini a ña̱ na̱ndiva̱ha in ña̱yivi na̱caja ndée̱ mé á. Já na̱casáhá sánde̱hé a̱ chí ja̱ta̱ tañu ña̱yivi. Já na̱casáhá ndáca̱ tu̱hún á na̱ já cáchí a̱ já: —Ndá ndó na̱cani ndaa ndáha̱ jahmá i̱.

San Marcos 5:30 ပူးပေါင်းရင်းမြစ်များ

San Marcos 5:31

Ta na̱nducú ñehe mé na̱ xíca tuun xi̱hi̱n á cán tu̱hun nu̱ á já cáchí na̱ já xi̱hi̱n á: —Sánde̱hé va̱ha mé ndó ndá quia̱hva cándíhi táhan ña̱yivi va̱xi na xi̱hi̱n ndo̱ ta cáa ga̱ mé ndó ndáca̱ tu̱hún ndó ndá na̱ na̱cani ndaa ndáha̱ jáhma̱ ndo̱ —na̱cachi na.

San Lucas 5:17

In tañu ndáca̱a̱n Jesús ini in vehe jána̱ha̱ nu̱ú ña̱yivi. Tañu na̱ cán na̱sa̱nduu coo java na̱ fariseo xi̱hín java na̱ jána̱ha̱ ley Moisés. Tócó ndihi na cúú ná na̱ na̱quixi ndijáá ñuu válí ñúhu estado Galilea cán xi̱hín ñuu válí ñúhu estado Judea xi̱hín ñuu Jerusalén viti. Ta náha̱ Jesús ña̱ ñéhe a ndée̱ Ndióxi̱ jáchi̱ ndíva̱ha ña̱yivi cája mé á.

San Lucas 6:19

Ta tócó ndihi ña̱yivi cúni̱ na̱ cani ndaa ndáha̱ ná Jesús jáchi̱ xi̱hi̱n ndée̱ mé á ndája va̱ha tócó ndihi na̱ quíhvi̱.

San Lucas 8:46

A̱nda̱ já na̱cachi Jesús já: —Íin in na̱ na̱cani ndaa ndáha̱ ye̱he̱ jáchi̱ na̱canda̱a̱ ini i̱ ña̱ na̱ndiva̱ha in na xi̱hi̱n ndée̱ mí i̱ —na̱cachi Jesús.

1 Pedro 2:9

Joo mé ndó cúú ndó na̱ na̱ca̱xi Ndióxi̱ ña̱ ná nduu ndó na̱ vehe mé á. Ta na̱nduu ndó ju̱tu̱ cuéntá mé á ta mé á cúú á rey. Ta cúú ndó in táhndá cáhnu ña̱yivi yi̱i̱ ndáca̱a̱n ndó in ñuu ña̱ na̱ndiquehe Ndióxi̱ cacomí a̱ cuéntá sa̱ha̱. Ta na̱ca̱xi Ndióxi̱ ndóhó ña̱ ná ca̱ha̱n ndó xi̱hín ña̱yivi ndaja ndáa ña̱ náhnu cája Ndióxi̱. Mé a̱ na̱cana ndo̱hó tá na̱sa̱nduu ndó nu̱ú naá cán já ná quixi ndó nu̱ú ndató ndiva̱ha yéhe̱ nu̱ íin a.