San Marcos 5:24 - Mixtec Silacayoapan

²⁴ A̱nda̱ já na̱quee Jesús cua̱ha̱n xi̱hi̱n dá. Chí cándíhi táhan mé ña̱yivi ndíco̱ na̱ ja̱tá cua̱ha̱n na̱.

San Marcos 5:24 ပူးပေါင်းရင်းမြစ်များ

San Marcos 3:20

Ta inga tucu na̱chutú cua̱há ña̱yivi nu̱ íin a ja̱nda̱ a̱ cu̱ú cuxu a xi̱hín na̱ xíca tuun xi̱hi̱n á cán.

San Marcos 5:23

Ta ndáhví mé na̱xi̱ca̱ ta̱hví da̱ nu̱ á já cáchí da̱ já: —Xíhi̱ ja̱hyí i̱ viti ñúhú. Caja ndó ña̱ma̱ni̱ ná co̱ho̱ vehe chinúu ndó ndáha̱ ndó ja̱ta̱ ña̱ ná ndiva̱ha ñá já ná catacu ñá —na̱cachi da.

San Marcos 5:25

Ta tañu ña̱yivi cán ndáca̱a̱n in ñá quíhvi̱. Sa̱ na̱xi̱nu̱ u̱xu̱ i̱vi̱ cui̱a̱ ndíta̱hví ni̱i̱ ña̱.

San Marcos 5:31

Ta na̱nducú ñehe mé na̱ xíca tuun xi̱hi̱n á cán tu̱hun nu̱ á já cáchí na̱ já xi̱hi̱n á: —Sánde̱hé va̱ha mé ndó ndá quia̱hva cándíhi táhan ña̱yivi va̱xi na xi̱hi̱n ndo̱ ta cáa ga̱ mé ndó ndáca̱ tu̱hún ndó ndá na̱ na̱cani ndaa ndáha̱ jáhma̱ ndo̱ —na̱cachi na.

San Lucas 11:29

Tá ndítaca cua̱há ña̱yivi nu̱ íin Jesús já na̱casáhá mé á cáha̱n xi̱hi̱n ná já na̱cachi a já: —Quini ndiva̱ha va ña̱yivi ndúu tiempo viti. Xíca̱ na̱ ña̱ ná caja i̱ ña̱ha xitúhún nu̱ ná. Joo co̱ó toho ña̱ cán coo. Ña̱ cuni ndusa na quéa̱ ndoho i̱ tá quia̱hva na̱ndoho Jonás, da̱ na̱sacuu profeta sa̱nahá.

San Lucas 12:1

Ta nani cáha̱n Jesús cán na̱casáhá tácá cua̱há ndiva̱ha ña̱yivi. Cua̱ha̱ mil na̱ na̱casáhá ndáí cuu na cán. Ja̱nda̱ quia̱hva cándíhi táhan ndaja táhan mé ná xi̱hi̱n á cua̱ha̱n ná. Nu̱ cuítí na̱ca̱ha̱n Jesús xi̱hín na̱ xíca tuun xi̱hi̱n á já cáchí a̱ já: —Cuéntá coo ndó xi̱hín na̱ fariseo jáchi̱ cúú ná tátu̱hun yúsa̱ na̱xa̱a̱ quée xi̱hi̱n harina ña̱ cáva̱ha na pan. Co̱ cúú ná tá quia̱hva ndáa na.

San Lucas 19:3

Ta cúni̱ da̱ cuni da Jesús joo a̱ cu̱ú cuni ñahá da̱ jáchi̱ cáti cua̱há ndiva̱ha ña̱yivi nu̱ Jesús. Ta mé dá co̱ xínu̱ co̱o da cuni ñahá da̱ jáchi̱ cúú dá da̱ ndi̱hi̱.

San Lucas 7:6

A̱nda̱ já na̱quee Jesús cua̱ha̱n xi̱hi̱n ná. Joo tá sa̱ ja̱lóho xi̱nu̱ co̱o na vehe da̱ sáhndá chuun nu̱ú soldado cán já na̱chindahá da̱ java amigo da̱ nu̱ú Jesús ná ca̱ha̱n na̱ yuhú nu̱u da já na̱cachi na já: —A̱ jándi̱hi ndó mé ndó ndi̱hvi ndó vehe e̱, xitoho i̱ jáchi̱ co̱ó sa̱ha̱ toho i̱ ña̱ ná ndi̱hvi ndó vehe e̱.

San Lucas 8:42

Jáchi̱ xíhi̱ ñá loho cúú ja̱hyi jíhí da̱ ta in já cúú ñá nu̱ dá ta ndáca̱a̱n ñá tátu̱hun u̱xu̱ i̱vi̱ cui̱a̱. Chí na̱quee Jesús cua̱ha̱n ta nani xíca cua̱ha̱n vehe Jairo cán a̱ ju̱ú quia̱hva cua̱há ña̱yivi ndíco̱ na̱ ja̱tá cua̱ha̱n na̱ ta chí ja̱nda̱ cándíhi na mé á cua̱ha̱n na̱.

San Lucas 8:45

A̱nda̱ já na̱casáhá Jesús ndáca̱ tu̱hún a̱ tócó ndihi ña̱yivi já na̱cachi a já xi̱hi̱n ná: —Ndá ndó na̱cani ndaa ndáha̱ ye̱he̱ —na̱cachi a xi̱hi̱n ná. Joo ni in na co̱ó na̱sa̱ha̱n tu̱hun nu̱ á. Sa̱há ña̱ cán quéa̱ na̱cachi Pedro xi̱hín java ga̱ da̱ xíca tuun xi̱hi̱n mé á cán já xi̱hi̱n á: —Maestro, a̱ ju̱ú quia̱hva cándíhi ña̱yivi mé ndó ta chindahá nihni joho na mé ndó va̱xi na ta cáa ga̱ mé ndó ndáca̱ tu̱hún ndo̱ ndá na̱ na̱cani ndaa ndáha̱ ndo̱hó —na̱cachi da̱ cán xi̱hi̱n á.

Hechos 10:38

Ta sa̱ cánda̱a̱ ini ndó ndaja na̱caja Ndióxi̱ xi̱hi̱n Jesús, mé a̱ na̱quixi ñuu Nazaret. Na̱jándicutú nda̱a̱ Ndióxi̱ Jesús xi̱hi̱n ínima̱ yi̱i̱ mé á ta na̱jándicutú a̱ ña̱ xi̱hi̱n ndée̱ mé á. Ta mé Jesús na̱xi̱ca nuu a cája ndinuhu ña̱ va̱ha xi̱hín ña̱yivi. Ta na̱ndaja va̱ha mé á na̱ na̱sa̱ndoho ini na̱caja tiñáhá sa̱cua̱ha̱. Na̱caja Jesús ña̱ yóho jáchi̱ na̱sahi̱in Ndióxi̱ xi̱hi̱n á.