San Marcos 4:41 - Mixtec Silacayoapan

⁴¹ A̱ ju̱ú quia̱hva na̱yi̱hví mé na̱ cán já na̱casáhá cáha̱n xi̱hi̱n táhan na: —Ndá da̱ cúú da̱ta̱a yóho ña̱ ja̱nda̱ ta̱chi̱ xi̱hín tañu̱hú cándúsa nu̱ cáha̱n da̱ —na̱cachi na̱ cán.

San Marcos 4:41 ပူးပေါင်းရင်းမြစ်များ

San Mateo 14:32

Ta tá na̱ndaa ndíví na̱ ja̱ta̱ barco já na̱catáji̱ ta̱chi̱ cán.

San Mateo 8:27

Tá na̱xini na̱ xíca tuun xi̱hi̱n á cán ña̱ yóho já na̱catóntó na̱ ta na̱casáhá ndáca̱ tu̱hún táhan na já cáchí xi̱hi̱n táhan na já: —Ta ndá da̱ cúú da̱ta̱a yóho ña̱ ja̱nda̱ ta̱chi̱ xi̱hín tañu̱hú cándúsa nu̱ cáha̱n da̱ —cáchí xi̱hi̱n táhan na̱ cán.

San Marcos 4:40

A̱nda̱ já na̱cachi Jesús xi̱hín na̱ xíca tuun xi̱hi̱n á: —Ndáva̱ha na̱yi̱hví na̱há ndo̱. Ndáva̱ha co̱ cándeé ini ndó ye̱he̱ —na̱cachi a.

San Marcos 5:1

A̱nda̱ já na̱xi̱nu̱ na̱ inga xoo mé tañu̱hú cán nu̱ íin ñundáhyi̱ cuéntá Gadara.

San Marcos 5:33

Ta mé ñá na̱ndiva̱ha cán tá na̱canda̱a̱ ini ñá ña̱ na̱ya̱ha já na̱casáhá quíji ni̱nu ñá sa̱há ña̱ yíhví ña̱. Já na̱xi̱nu̱ ñá na̱saxítí ña̱ nu̱ Jesús. A̱nda̱ já na̱casáhá ña̱ ndícani ñá nu̱ á ndaja cáa ña̱ na̱caja ñá.

San Marcos 7:37

Chí cátóntó ndihi ña̱yivi tá xíni jo̱ho na ña̱ ta cáha̱n xi̱hi̱n táhan na já cáchí na̱ já: —Va̱ha ndiva̱ha cája Jesús tócó ndihi ña̱ha jáchi̱ jándita̱cu̱ a̱ na̱ jóho̱ ta jándica̱ha̱n mé á na̱ níhi̱ —na̱cachi na.

San Lucas 4:36

Tócó ndihi ña̱yivi na̱sanduu cán na̱yi̱hví ndiva̱ha na. Ta já na̱casáhá cáchí xi̱hi̱n táhan na já: —Íin ndiva̱ha sa̱há tu̱hun cáha̱n Jesús yóho jáchi̱ xi̱hín ña̱ cáha̱n da̱ sáhndá da̱ chuun xi̱hi̱n ndée̱ dá ta tává da̱ ínima̱ quini ta chí quée rí cua̱ha̱n ri̱ —na̱cachi xi̱hi̱n táhan na̱ cán.

San Lucas 8:25

A̱nda̱ já na̱cachi Jesús já xi̱hín na̱ xíca tuun xi̱hi̱n á: —Ndaja va̱ha co̱ cándeé ini ndó ye̱he̱ —na̱cachi a. Joo na̱ cán na̱yi̱hví na̱ ta na̱catóntó na̱. Ta chí ja̱ndá ndáca̱ tu̱hún táhan na já cáchí na̱ já: —Ndá da̱ cúú da̱ta̱a yóho ña̱ a̱nda̱ ta̱chi̱ xi̱hín tañu̱hú cándúsa nu̱ cáha̱n da̱ —na̱cachi xi̱hi̱n táhan na̱ cán.

Hebreos 12:28

Ñe̱he̱ táhvi̱ yo̱ coo í nu̱ú cacomí Ndióxi̱ cuéntá sa̱ha̱ yo̱ ta mé cán a̱ cu̱ú qui̱ji nuu a. Sa̱há ña̱ cán quéa̱ ná ndiquia̱hva í ndixa̱hvi nu̱ Ndióxi̱ ta ná caja cáhnu í mé á xi̱hín ndinuhu iní jáchi̱ cáji̱i̱ ini mé á xi̱hín ña̱ yóho.

Apocalipsis 15:4

Tócó ndihi ña̱yivi yíhví na̱ ndo̱hó, mé a̱ cúú xitoho nde̱ ta cáha̱n na̱ ndaja cáhnu cúú mé ndó. Jáchi̱ in túhún mé ndó cúú ndó Ndióxi̱ yi̱i̱. Ta tócó ndihi ña̱yivi ndúu ndijáá nación xi̱nu̱ na̱ caja cáhnu na mé ndó, jáchi̱ náha̱ ndá quia̱hva cája ndó ña̱ nda̱a̱, cáchí na̱ xíta na.