San Lucas 8:24 - Mixtec Silacayoapan

²⁴ A̱nda̱ já na̱sa̱ha̱n na̱ ndíñehe na Jesús já na̱cachi na já xi̱hi̱n á: —Maestro, Maestro. Cáco̱o barco yo̱ ca̱há ticui̱í cua̱ha̱n do̱ —na̱cachi na xi̱hi̱n á. A̱nda̱ já na̱ndico̱o Jesús já na̱casáhá jána̱ni a ta̱chi̱ xi̱hín ticui̱í ndíco̱jo̱ cán. Tá na̱ndihi já na̱jáya̱a̱ mé á ta̱chi̱ xi̱hín ticui̱í chí táji̱ níí uun na̱cando̱o nu̱ú tañu̱hú cán.

San Lucas 8:24 ပူးပေါင်းရင်းမြစ်များ

San Mateo 14:30

Joo tá na̱xini da ta̱chi̱ ndeé xícó nu̱ú tañu̱hú cán já na̱yi̱hví da̱. Chí i̱vi̱ la̱á na̱casáhá quéta nuu da cua̱ha̱n da̱ ini tañu̱hú. Já na̱cayuhú cóhó da̱ já cáchí da̱ já xi̱hín Jesús: —Chindeé ndó ye̱he̱, xitoho i̱ —na̱cachi da xi̱hi̱n á.

San Mateo 8:25

A̱nda̱ já ndáva na̱ xíca tuun xi̱hi̱n á cán na̱sa̱ha̱n na̱ ndíñehe na ña̱. Já na̱cayuhú na̱ já cáchí na̱ xi̱hi̱n á: —Chindeé ndó nde̱he̱, xitoho nde̱. Jáchi̱ cáco̱o barco ca̱há tañu̱hú cua̱ha̱n do̱ —na̱cachi na xi̱hi̱n á.

San Marcos 4:39

A̱nda̱ já na̱ndaco̱o Jesús ta na̱casáhá jána̱ni a ta̱chi̱ xi̱hín tañu̱hú viti já cáchí a̱ já: —Catáji̱ ndo̱. Já na̱jáya̱a̱ ta̱chi̱. Já na̱cando̱o táji̱ níí mé cán.

San Lucas 4:35

A̱nda̱ já na̱casáhá Jesús jána̱ni a ínima̱ quini ndáca̱a̱n ini da̱ta̱a cán já na̱cachi a já xi̱hi̱n ri̱: —Caji yúhu̱n ta janí da̱ yóho —na̱cachi Jesús xi̱hi̱n ri̱. Tá na̱cachi a já chí na̱jándacava rí quini da̱ta̱a nu̱ú na̱ cán já na̱queta rí ini da̱ cán. Ta co̱ó na̱caja rí ni in ña̱ núu xi̱hi̱n dá.

San Lucas 4:39

A̱nda̱ já na̱cayati Jesús nu̱ ña̱ já na̱sahnda chuun nu̱ú cue̱he̱ cán ña̱ ná quee a. Já na̱ndindaa ña̱ chíca̱a̱n cáhni̱ á ña̱ chí i̱vi̱ la̱á na̱ndico̱o ñá já na̱casáhá cája ndíví ñá ña̱ cuxu na.

San Lucas 5:5

A̱nda̱ já na̱nducú ñehe Simón tu̱hun nu̱ Jesús já cáchí da̱ já xi̱hi̱n á: —Maestro, nini yaa ñuú na̱caja chúun nde̱ ña̱ ndúcú nde̱ tavá nde̱ ti̱yacá. Ta co̱ó ña̱ha na̱tavá nde̱. Joo tá sa̱ cáchí mé ndó já caja i̱ tá íin cáchí ndo̱ cu̱hu̱n i̱ jácana i̱ ñúnu̱ i̱ ini tañu̱hú —na̱cachi Simón xi̱hi̱n Jesús.

San Lucas 8:25

A̱nda̱ já na̱cachi Jesús já xi̱hín na̱ xíca tuun xi̱hi̱n á: —Ndaja va̱ha co̱ cándeé ini ndó ye̱he̱ —na̱cachi a. Joo na̱ cán na̱yi̱hví na̱ ta na̱catóntó na̱. Ta chí ja̱ndá ndáca̱ tu̱hún táhan na já cáchí na̱ já: —Ndá da̱ cúú da̱ta̱a yóho ña̱ a̱nda̱ ta̱chi̱ xi̱hín tañu̱hú cándúsa nu̱ cáha̱n da̱ —na̱cachi xi̱hi̱n táhan na̱ cán.