San Lucas 7:40 - Mixtec Silacayoapan

⁴⁰ A̱nda̱ já na̱cachi Jesús já xi̱hín da̱ fariseo cán: —Cande̱hé Simón, cuni jo̱ho ná ca̱ha̱n i̱ xu̱hu̱n —na̱cachi Jesús xi̱hi̱n dá. A̱nda̱ já na̱cachi Simón cán já xi̱hi̱n Jesús: —Ca̱ha̱n mé á xi̱hín i̱, xitoho i̱ —na̱cachi da.

San Lucas 7:40 ပူးပေါင်းရင်းမြစ်များ

San Mateo 26:49

Chí i̱vi̱ la̱á na̱cativi da nu̱ Jesús já na̱ca̱ha̱n Ndióxi̱ dá xi̱hi̱n á ta já na̱tatí yúhu̱ dá sa̱jóho mé á.

San Mateo 7:22

Jáchi̱ tá ná xi̱nu̱ co̱o qui̱vi̱ caja vií Ndióxi̱ sa̱há ña̱yivi já quéa̱ casáhá ca̱ha̱n cua̱há ndiva̱ha ña̱yivi xi̱hín i̱ ta já cachi na já: “Jesús, mé ndó cúú xitoho nde̱ ta xi̱hín qui̱vi̱ mé ndó na̱xi̱ca nuu nde̱ cáha̱n nde̱ tu̱hun Ndióxi̱ xi̱hín ña̱yivi ta xi̱hín qui̱vi̱ mé ndó na̱tavá nde̱ rí quini na̱sa̱ñuhu ínima̱ ña̱yivi ta xi̱hín qui̱vi̱ mé ndó na̱caja cua̱há ndiva̱ha nde̱ ña̱ xitúhún”, cachi na xi̱hín i̱.

San Lucas 18:18

In táhan da̱ sáhndá chuun cán na̱nda̱ca̱ tu̱hún da̱ Jesús já na̱cachi da já xi̱hi̱n á: —Maestro, mé ndó cúú ndó ta̱a va̱ha ña̱ cán quéa̱ ndáca̱ tu̱hún i̱ ndo̱hó ndía̱ ndítahan caja i̱ já ná ñe̱he̱ táhvi̱ i̱ cu̱hu̱n i̱ indiví coo i̱ a̱nda̱ ama cáa qui̱vi̱ —na̱cachi da xi̱hi̱n Jesús.

San Lucas 5:22

Joo Jesús sa̱ na̱canda̱a̱ va ini a ña̱ cáhvi ini na̱ cán sa̱há ña̱ cán quéa̱ na̱cachi a já xi̱hi̱n ná: —Ndáva̱ha cáhán ndo̱ já.

San Lucas 5:31

A̱nda̱ já na̱nducú ñehe Jesús tu̱hun nu̱ú na̱ cán já na̱cachi a já xi̱hi̱n ná: —Ña̱yivi íin va̱ha co̱ xíní ñúhú toho na da̱ cája tátá ñahá joo na̱ quíhvi̱, na̱ cán cúú na̱ xíní ñúhú da̱ cája tátá ñahá.

San Lucas 6:8

Joo sa̱ xíni̱ va Jesús ña̱ cáhvi ini na̱ cán. Sa̱há ña̱ cán quéa̱ na̱cachi a já xi̱hín da̱ na̱hi̱chi̱ ndáha̱ cán já: —Cuándaco̱o ta candichi ma̱hñú yóho —na̱cachi Jesús xi̱hi̱n dá. A̱nda̱ já na̱nda̱ca̱ ndichi da̱ cán nu̱ú Jesús.

San Lucas 7:39

Tá na̱xini mé da̱ fariseo, da̱ na̱cana Jesús vehe da cán ña̱ yóho já na̱ca̱hán da̱ já: “Tá profeta ndusa ná cacuu da̱ yóho ta sa̱ cánda̱a̱ va ini da ndá ñá cúú ñá cáni ndaa ndáha̱ sa̱ha̱ dá jáchi̱ cúú ñá ña̱ cája cua̱há cua̱chi”, na̱ca̱hán Simón cán.

San Lucas 7:41

A̱nda̱ já na̱sacu Jesús in quia̱hva nu̱ dá já na̱cachi a já xi̱hi̱n dá: —Na̱sa̱nduu i̱vi̱ da̱ta̱a ta na̱sa̱yicá da̱ jiu̱hún nu̱ mé da̱ sáhan tóo a cán. In da na̱sa̱yicá u̱hu̱n ciento ta inga da na̱sayicá i̱vi̱ jico u̱xu̱.

San Juan 13:13

Mé ndó cáchí ndo̱ maestro xi̱hín i̱ ta cáchí ndo̱ cúú u̱ xitoho ndó ta nda̱a̱ cáha̱n ndó jáchi̱ jivi ndusa i̱.

San Juan 16:19

Joo na̱canda̱a̱ ini Jesús ña̱ cúni̱ na̱ nda̱ca̱ tu̱hún na̱ mé á sa̱há ña̱ cán quéa̱ na̱cachi a já xi̱hi̱n ná: —Na̱cachi i̱ xi̱hi̱n ndó ña̱ ja̱ chá cuití ta a̱ cúní ga̱ ndó ye̱he̱ ta tá na̱ndihi já cuni tucu ndó ye̱he̱. Ta viti cúni̱ ndo̱ nda̱ca̱ tu̱hún ndó ye̱he̱ ndía̱ cúni̱ cachi ña̱ yóho.

San Juan 16:30

Ta viti ndusa cánda̱a̱ ini nde̱ ña̱ xíni̱ ndo̱ tócó ndihi ña̱ha. Ta ni co̱ xíní ñúhú toho ndó ña̱ ná nda̱ca̱ tu̱hún nde̱ ndo̱hó jáchi̱ sa̱ xíni̱ va ndó ña̱ cúni̱ nde̱ canda̱a̱ ini nde̱. Sa̱há ña̱ cán quéa̱ cándúsa nde̱ ña̱ na̱quixi ndó nu̱ íin Ndióxi̱ —na̱cachi na.

San Juan 3:2

Ta ñuú na̱queta da cua̱ha̱n da̱ coto nihni da Jesús. Ta tá na̱xi̱nu̱ co̱o da nu̱ á já na̱cachi da já xi̱hi̱n á: —Maestro, cánda̱a̱ cáxí ini nde̱ ña̱ na̱chindahá Ndióxi̱ ndo̱hó va̱xi ndó nu̱ú nde̱ ña̱ ná jána̱ha̱ ndó nu̱ú nde̱. Jáchi̱ ni in túhún toho ña̱yivi a̱ cu̱ú caja ña̱ náhnu cája mé ndó tá ta̱ co̱ íin Ndióxi̱ xi̱hi̱n ná —na̱cachi da xi̱hín Jesús.