San Lucas 7:27 - Mixtec Silacayoapan

²⁷ Jáchi̱ mé Juan cúú dá da̱ cáha̱n tu̱hun Ndióxi̱ sa̱ha̱ tá cáchí a̱ já: Chindahá i̱ in da̱ canu̱ú cu̱hu̱n nu̱ mún, já ná caja tia̱hva da íchi̱ nu̱ú quisún, já na̱ca̱hyi̱ a̱ sa̱nahá.

San Lucas 7:27 ပူးပေါင်းရင်းမြစ်များ

San Mateo 11:10

Jáchi̱ mé Juan cúú dá da̱ cáha̱n tu̱hun Ndióxi̱ sa̱ha̱ tá cáchí a̱ já: Chindahá i̱ in da̱ cánu̱ú cu̱hu̱n nu̱ mún, já ná caja tia̱hva da íchi̱ nu̱ú quisún, já na̱ca̱hyi̱ a̱ sa̱nahá.

San Marcos 1:2

Sa̱nahá na̱ca̱hyí profeta Isaías ña̱ na̱ca̱ha̱n Ndióxi̱ xi̱hín ja̱hyi a. Já cáchí a̱ já: Chindahá i̱ in da̱ canu̱ú cu̱hu̱n nu̱ mún, ña̱ ná ca̱xi tu̱hun da nu̱ú ña̱yivi sa̱ha̱ yóhó ta já ndaja ndacú da̱ íchi̱ nu̱ú ya̱hún.

San Lucas 1:76

A̱nda̱ já na̱casáhá da̱ cáha̱n da̱ xi̱hín ña̱ loho ja̱hyi da já cáchí da̱ já xi̱hi̱n á: Ta yóhó, ja̱hyi a, cachi ña̱yivi sa̱hu̱n ña̱ cúún in profeta Ndióxi̱, mé a̱ cúú cáhnu nu̱ ndíhi a. Ta jihna ñúhú cu̱hún jáca̱hún ña̱yivi ña̱ ná cacu tia̱hva na ínima̱ ná ndiquehe na mé a̱ chindahá Ndióxi̱ va̱xi.

San Lucas 7:26

Ndía̱ na̱sa̱ha̱n ndó na̱xini ndó cán. Á co̱ó na̱sa̱ha̱n ndó cuni jo̱ho ndó nu̱ cáha̱n in da̱ cúú profeta nu̱ ndo̱. Mé a̱ nda̱a̱ da̱ cán cúú dá in profeta ta íin chága̱ sa̱ha̱ dá a̱ ju̱ú ga̱ inga profeta na̱sa̱nduu sa̱nahá.

San Lucas 7:28

Cande̱hé ndo̱ ná ca̱ha̱n i̱ xi̱hi̱n ndo̱. Tañu tócó ndihi ña̱yivi co̱ó ga̱ inga profeta cáhnu chága̱ a̱ ju̱ú ga̱ Juan, mé da̱ jácandúta̱ ña̱yivi. Joo ndá na̱ sa̱ na̱ndiquia̱hva mé ndáha̱ Ndióxi̱ ña̱ ná cacomí a̱ cuéntá sa̱ha̱ ná, va̱tí cúú ná na̱ co̱ó sa̱ha̱, na̱ cán cúú na̱ cáhnu chága̱ a̱ ju̱ú ga̱ Juan —na̱cachi Jesús.

San Juan 1:23

A̱nda̱ já na̱cachi Juan já xi̱hi̱n ná: —Ye̱he̱ cúú da̱ xíca nuu tañu yucú íchí ta cáyuhú cóhó i̱ já cáchí i̱ já xi̱hín ña̱yivi: “Cuná ndó in íchi̱ nda̱cú nu̱ mé á ña̱ ná ndi̱hvi a ínima̱ ndo̱” —na̱cachi Juan xi̱hi̱n ná tá quia̱hva na̱ca̱hyí profeta Isaías sa̱nahá.