San Lucas 4:22 - Mixtec Silacayoapan

²² Ta ndijáá ña̱yivi cán cáha̱n va̱ha na sa̱ha̱ Jesús ta cátóntó na̱ sa̱há ña̱ ndató ndiva̱ha tu̱hun cáha̱n xi̱hi̱n ná. Já na̱casáhá ndáca̱ tu̱hún táhan na já cáchí na̱ já: —Á a̱ ju̱ú da̱ yóho cúú ja̱hyi José cán —cáchí na̱ cáha̱n xi̱hi̱n táhan na.

San Lucas 4:22 ပူးပေါင်းရင်းမြစ်များ

San Lucas 2:47

Ta chí cátóntó tócó ndihi ña̱yivi tá xíni̱ jo̱ho na tu̱hun ndúcú ñehe da nu̱ú na̱ jána̱ha̱ ley Moisés cán jáchi̱ náha̱ ña̱ ndíchí ji̱ni̱ dá.

San Lucas 2:48

Tá na̱xini María xi̱hi̱n José ña̱ ndáca̱a̱n Jesús tañu na̱ jána̱ha̱ ley Moisés cán já na̱catóntó na̱. A̱nda̱ já na̱cachi María já xi̱hi̱n Jesús: —Ja̱hyi ma̱ní i̱. Ndá cuéntá quéa̱ na̱cajún ña̱ yóho xi̱hín nde̱. Ye̱he̱ xi̱hi̱n tátún a̱ ju̱ú quia̱hva ndícani ini nde̱ xíca nuu nde̱ ndínducú nde̱ yo̱hó —na̱cachi María xi̱hi̱n Jesús.

San Lucas 21:15

Jáchi̱ mí i̱ quia̱hva i̱ tu̱hun nu̱ ndo̱ ta ndaja ndíchí i̱ ji̱ni̱ ndo̱ já ná cuu nducú ñehe va̱ha ndó tu̱hun nu̱ú na̱ cán. Ta chí a̱ cu̱ú quee va̱ha yuhú na̱ cán xi̱hi̱n ndo̱.

San Lucas 4:21

Sa̱há ña̱ cán quéa̱ na̱cachi a já xi̱hi̱n ná: —Mé qui̱vi̱ viti na̱xini ndó na̱xi̱nu̱ co̱o nu̱ú tu̱hun na̱ca̱hyí Isaías sa̱nahá ndiva̱ha —na̱cachi Jesús xi̱hín na̱ cán.

San Juan 1:45

Ta ndaja coo Felipe yóho ndáva da na̱sa̱ha̱n da̱ na̱ndinducú da̱ Natanael ta tá na̱ndiñe̱he̱ ñahá da̱ já na̱cachi da já xi̱hi̱n dá: —Na̱nditahan nde̱ da̱ na̱ca̱hyí Moisés sa̱ha̱ nu̱ ley sa̱nahá. Ta jári na̱ profeta na̱ca̱hyí ri na sa̱ha̱ dá. Ta mé dá cúú Jesús, ja̱hyi José, da̱ ñuu Nazaret —na̱cachi Felipe xi̱hín Natanael cán.

San Juan 6:42

Ta já na̱cachi xi̱hi̱n táhan na̱ cán já: —Á a̱ ju̱ú ja̱hyi José va cúú Jesús yóho. Ta xíni̱ va̱ha va mí yo cúú náná da̱ xi̱hi̱n tátá da̱. Ta ndá cuéntá quéa̱ cáchí ri da ña̱ na̱quixi da chí indiví, dá já —na̱cachi xi̱hi̱n táhan na̱ cán.

San Juan 7:46

A̱nda̱ já na̱nducú ñehe soldado cán tu̱hun nu̱ ná já cáchí da̱ já xi̱hi̱n ná: —Na̱catóntó nde̱ na̱xini jo̱ho nde̱ nu̱ cáha̱n da̱ jáchi̱ ñúchí ndiva̱ha cáha̱n da̱ ta ni in túhún na̱ co̱ó na̱ca̱ha̱n tá quia̱hva cáha̱n mé dá —na̱cachi soldado cán.

Hechos 6:10

Joo a̱ cu̱ú quee va̱ha na xi̱hi̱n dá jáchi̱ na̱sa̱ha̱n ínima̱ yi̱i̱ Ndióxi̱ tu̱hun ndíchí nu̱ú mé Esteban cán ña̱ ná nducú ñehe da nu̱ ná.

Tito 2:8

Ta ná ca̱hún ña̱ va̱ha cuití va já quéa̱ a̱ cúu chica̱a̱n ña̱yivi cua̱chi ja̱tu̱n. Ta xi̱hín ña̱ yóho cacahan nu̱u̱ na̱ co̱ cúní yo̱hó jáchi̱ a̱ cúu ca̱ha̱n i̱hvi̱ ná sa̱ha̱ ndihi ndó, na̱ cúú cuéntá Jesús.