San Lucas 3:13 - Mixtec Silacayoapan

¹³ A̱nda̱ já na̱cachi Juan já xi̱hi̱n dá: —Quehe ndó jiu̱hún nu̱ú ña̱yivi tá quia̱hva sáhndá ley cuití va quehe ndó —na̱cachi Juan xi̱hín da̱ cán.

San Lucas 3:13 ပူးပေါင်းရင်းမြစ်များ

San Mateo 7:12

ʼCande̱hé ndó. Tá quia̱hva cúni̱ ndó caja ña̱yivi xi̱hi̱n ndo̱ quia̱hva já ndítahan caja ri ndóhó va xi̱hi̱n ná jáchi̱ ña̱ yóho quéa̱ sáhndá ley Moisés xi̱hín ña̱ na̱ca̱hyí na̱ profeta caja ndó.

San Lucas 19:8

Ta tá sa̱ ndúu ndihi na vehe Zaqueo já na̱nda̱ca̱ ndichi Zaqueo já na̱cachi da já xi̱hi̱n Jesús: —Cande̱hé ndo̱, xitoho i̱. Cahnda java nda̱a̱ i̱ ña̱ha cómí i̱ ta já ndicahnda i̱ ña̱ nu̱ú na̱ nda̱hví. Ta ndá na̱ na̱caja cuíhná i̱ ña̱ha, na̱ cán quia̱hva i̱ co̱mi̱ táhndá chága̱ ña̱ha nu̱u̱ jáchi̱ na̱jándahvi i̱ na̱ —na̱cachi Zaqueo cán.

San Lucas 3:12

Tañu na̱ na̱ndai cuu cán na̱xi̱nu̱ ri java da̱ játaca jiu̱hún cuéntá impuesto ña̱ candúta̱ dá. Ta na̱nda̱ca̱ tu̱hún da̱ Juan já na̱cachi da já: —Maestro, ndía̱ ndítahan nu̱ú nde̱ caja nde̱.

San Lucas 3:14

Ta jári java da̱ cúú soldado na̱nda̱ca̱ tu̱hún da̱ Juan já na̱cachi da já: —Ta nde̱he̱ ri ndía̱ ndítahan caja nde̱. Já na̱cachi Juan já xi̱hi̱n dá: —A̱ cándaa ndó ña̱ cómí ña̱yivi. A̱ jáyi̱hví ndó na̱ sa̱há ña̱ ná quia̱hva na ña̱ha nu̱ ndo̱. Ta ni a̱ jácojo ndó cua̱chi ja̱ta̱ ná tá co̱ó na̱caja na ña̱. Ta xíní ñúhú coo va̱ha ini ndó xi̱hín ya̱hvi quéhe ndó sa̱há chuun cája ndó —na̱cachi Juan xi̱hín da̱ cán.

1 Corintios 6:10

Ta ni na̱ cui̱hná ta ni na̱ cátóó ndiva̱ha jiu̱hún ta ni na̱ xíhí ta ni na̱ ndahnda yúhu̱ ta ni na̱ jándahvi ñahá ta ni in táhan na̱ yóho a̱ cúhu̱n toho na nu̱ú cacomí Ndióxi̱ cuéntá sa̱ha̱ ná.

Efesios 4:28

Ndá na̱ na̱sa̱caja cuíhná jihna coto ná a̱ cája cuíhná ga̱ na̱ viti. Ndítahan caja chúun va̱ha na ña̱ ná cuu chindeé na̱ na̱ cáma̱ní ña̱ha nu̱u̱.

Hebreos 12:1

Mé ña̱yivi cua̱ha̱ cán na̱quee va̱ha na jáchi̱ na̱candeé ini na Ndióxi̱. Ta jána̱ha̱ na̱ nu̱ yo̱ ndaja caja í ña̱ ná quia̱hva ndeé iní tá ná ndoho iní. Ña̱ cán quéa̱ ná jándacoo í tócó ndihi cua̱chi cája í, ña̱ tíin tuun mí. Ta ná jácaxoo í tócó ndihi ña̱ sájí nuu nu̱ yo̱ caja í ña̱ cúni̱ Ndióxi̱. Ta ná candi̱co̱ yó íchi̱ Ndióxi̱ xi̱hín ndinuhu iní tá quia̱hva ndítahan caja í.