San Lucas 23:14 - Mixtec Silacayoapan14 Já na̱cachi da já xi̱hi̱n ná: —Mé ndó ñéhe ndó da̱ yóho na̱casa̱a̱ da̱ nu̱ú i̱. Ta cáchí ndó ña̱ xíca nuu da jándiva̱a̱ da̱ ña̱yivi. Joo sa̱ na̱xini ndó ña̱ na̱ndaja ndíchí i̱ da̱ nu̱ ndo̱. Ta ni in túhún toho cua̱chi táhan ña̱ cáha̱n ndó sa̱ha̱ ja̱n co̱ó na̱nditahan i̱ nu̱ dá. အခန်းကိုကြည့်ပါ။ |
Ta tá na̱xini Pilato ña̱ co̱ yáa̱ na̱ cán ta ví ga̱ ví ndíva̱a̱ na̱ já na̱tiin da ticui̱í ta na̱ndahá da̱ nu̱ ndíhi ña̱yivi cán ta já na̱cachi da já xi̱hi̱n ná: —Xi̱hín ña̱ yóho jána̱ha̱ i̱ nu̱ ndo̱ ña̱ co̱ó cua̱chi toho ndójo i̱ sa̱ha̱ ndá ña̱ ná caja ndó xi̱hín da̱ yóho jáchi̱ co̱ó cua̱chi toho da̱ yóho. Ja̱ta̱ mé ndó ná cu̱hu̱n ndihi va —na̱cachi da xi̱hi̱n ná.
Mé a̱ nda̱a̱ xíní ñúhú yo̱ Jesucristo ña̱ ná cacuu a ju̱tu̱ sa̱cua̱ha̱ nu̱ Ndióxi̱ sa̱ha̱ yo̱. Jáchi̱ mé á cúú á ña̱ yi̱i̱ ndiva̱ha ta ni in cua̱chi co̱ó na̱caja mé á ta ni in cua̱chi a̱ cúu chíca̱a̱n yó ja̱tá. Ta co̱ xíca nuu ga̱ mé á tañu na̱ cája cua̱chi jáchi̱ íin a indiví nu̱ ndícáhnu ndiva̱ha mé á.