San Lucas 22:56 - Mixtec Silacayoapan

⁵⁶ Joo ndaja coo in ñáñáha̱ cája chúun vehe ju̱tu̱ sa̱cua̱ha̱ cán na̱xini ñá íin coo da xítúní da̱ yávi̱ núhu̱ cán. Ta na̱casáhá sánde̱hé ñá nu̱ dá já cáchí ñá já: —Da̱ xíca tuun xi̱hi̱n Jesús cúú ri da̱ íin coo yóho va —na̱cachi ñá cán.

San Lucas 22:56 ပူးပေါင်းရင်းမြစ်များ

San Mateo 26:69

Ta ndaja coo íin coo Pedro yuhú yéhé da̱ cúú sa̱cua̱ha̱ chága̱ nu̱ ndíhi ju̱tu̱ cán. Já na̱cativi in ñáñáha̱, ñá cája chúun mé vehe cán. Já na̱casáhá cáchí ña̱ já xi̱hi̱n dá: —Yóhó cúún in táhan da̱ xíca tuun xi̱hín Jesús, da̱ estado Galilea —na̱cachi ñá cán xi̱hi̱n dá.

San Marcos 14:17

Tá na̱cuaá na̱xi̱nu̱ Jesús xi̱hi̱n ndíhu̱xu̱ i̱vi̱ na̱ xíca tuun xi̱hi̱n á.

San Marcos 14:6

A̱nda̱ já na̱cachi Jesús já xi̱hi̱n ná: —A̱ cáha̱n ndó xi̱hi̱n ña̱. A̱ jáqui̱hvi̱ ndó ña̱. Ña̱ va̱ha quéa̱ na̱caja ñá yóho xi̱hín i̱.

San Marcos 8:25

A̱nda̱ já na̱chinúu tucu Jesús ndáha̱ á nduchú núú da̱ já na̱sande̱hé nda̱a̱ da̱. A̱nda̱ jáví na̱ndiva̱ha nduchú núú da̱ ta na̱casáhá sánde̱hé cáxí va̱ha da tócó ndihi ña̱ha.

San Lucas 22:55

Ta tá na̱xi̱nu̱ co̱o ña̱yivi cán yuhú yéhé da̱ cúú sa̱cua̱ha̱ nu̱ú ju̱tu̱ cán já na̱ndicahmi na ñúhu̱ na̱saco̱o na xítúní na̱. Já na̱xi̱nu̱ co̱o ri Pedro na̱saco̱o da tañu na̱ cán xítúní da̱.

San Lucas 22:57

Joo na̱casáhá Pedro chíje̱hé tu̱hun da já na̱cachi da já: —Cande̱hé, ñáñáha̱. Co̱ xíni̱ toho i̱ ndá da̱ cúú da̱ ja̱n —na̱cachi Pedro xi̱hi̱n ñá cán.

San Juan 18:17

Ta mé ñá ndáá yéhé cán na̱nda̱ca̱ tu̱hún ña̱ Pedro já na̱cachi ñá já xi̱hi̱n dá: —Á a̱ ju̱ú in táhan da̱ xíca tuun xi̱hín Jesús cúú yóhó —na̱cachi ñá. A̱nda̱ já na̱cachi Pedro já xi̱hi̱n ña̱: —Co̱ cúú toho i̱ in táhan da̱ xíca tuun xi̱hi̱n á —na̱cachi Pedro.