San Lucas 22:35 - Mixtec Silacayoapan

³⁵ Tá na̱ndihi já na̱nda̱ca̱ tu̱hún Jesús na̱ xíca tuun xi̱hi̱n á cán já na̱cachi a já xi̱hi̱n ná: —Jihna na̱chindahá i̱ ndo̱hó cu̱hu̱n ndó ca̱ha̱n ndó tu̱hun Ndióxi̱ ta na̱cachi i̱ xi̱hi̱n ndo̱ ña̱ ná a̱ cáñehe ndó yátí ni jiu̱hún ta ni inga ndu̱sa̱ a̱ cáñehe ndó cu̱hu̱n xi̱hi̱n ndo̱. Á na̱ndima̱ní ña̱ha nu̱ ndo̱ tá na̱sa̱ha̱n ndo̱ já —na̱cachi Jesús xi̱hi̱n ná. Já na̱cachi na̱ já: —Ni in ña̱ha co̱ó na̱ndima̱ni̱ nu̱ú nde̱ —na̱cachi na.

San Lucas 22:35 ပူးပေါင်းရင်းမြစ်များ

San Lucas 10:4

Tá na̱quee ndó cua̱ha̱n ndo̱ coto a̱ cáñehe ndó yátí cu̱hu̱n ndo̱ ni jiu̱hún ni inga ndu̱sa̱ ndó a̱ cáñehe ndó cu̱hu̱n ndo̱. Ta a̱ cácui̱ta ndó ca̱ha̱n Ndióxi̱ ndó xi̱hín ña̱yivi ndique táhan xi̱hi̱n ndó íchi̱.

San Lucas 22:34

Já na̱cachi Jesús já xi̱hi̱n dá: —Cande̱hé Pedro ná ca̱ha̱n i̱ ña̱ nda̱a̱ xu̱hu̱n. Mé qui̱ví viti tá cáma̱ni̱ cana chéle já u̱ni̱ tañu chije̱hé tu̱hún sa̱há i̱ ta ca̱hún ña̱ co̱ xíni̱ tohún ye̱he̱ —na̱cachi Jesús xi̱hi̱n dá.

San Lucas 22:36

A̱nda̱ já na̱cachi tucu a já xi̱hi̱n ná: —Joo viti co̱ó ga̱ ña̱ cán coo. Viti cáchí i̱ xi̱hi̱n ndo̱ ña̱ tá íin yátí nu̱ ndo̱, xíní ñúhú cañehe ndó ña̱ cu̱hu̱n ndo̱. Cañehe ndó jiu̱hún ndo̱ tá ná quee ndó cu̱hu̱n ndo̱. Ta tá co̱ó machiti nu̱ ndó, xíní ñúhú ji̱có ndó jahmá ndeé ndo̱ já cueen ndó machiti ña̱ ná coo tia̱hva ndó.

San Lucas 9:3

Ta na̱cachi a já xi̱hi̱n ná: —A̱ cáñehe ndó ña̱ha cu̱hu̱n ndó íchi̱. Ni garróté ni yátí ni pan ni jiu̱hún a̱ cáñehe ndó cu̱hu̱n ndo̱. In túhún cotó cañehe ndó cu̱hu̱n xi̱hi̱n ndo̱.

2 Corintios 8:15

Já cáchí tu̱hun Ndióxi̱ já: “Ni co̱ó na̱cayojó a̱ nu̱ú na̱ na̱játaca cua̱há. Ta ni co̱ó na̱ndima̱ni̱ á nu̱ú na̱ na̱játaca chá ña̱.”